طبعا الحمام من أهم وأكثر الأماكن اللي الواحد بيستعملها في البيت وبيقضي وقت فيها علشان كذا لازم يكون مريح جدا وعلشان كذا في الآونة الأخيرة بدأت تظهر موضات كثيرة للحمام تناسب أحجامها المختلفة والأذواق المتنوعة.

كيف نستغل كل جزء في الحمام...؟

معظم البيوت بيكون فيها حمام واحد وفي الغالب بيكون الحمام صغير علشان كذا نحاول نستخدم كل جزء فيه، أول حاجة بلاش نحط بانيو ممكن نحط فقط بانيو قدم اللي بيكون 80 في 80 ونعمل له تقفيلة ألمومنيوم، وبالنسبة للحوض نعمل دولاب عليه رخام من فوق ونسقط فيه الحوض والجدار اللي فيها الحوض نكسيها من الأرض للسقف مرايات طبعا ذا يعطينا وسع أكثر.






وطبعا يبقى فيه التواليت محطوط في مكانه، ونحاول نخلي كل الأجهزة الكهربائية في المطبخ زي "الغسالة والسخان".

أنسب وأشيك ألوان الحمامات

بالنسبة للألوان ففي رأيي أنسب وأشيك ألوان الحمامات الصغيرة هو اللون "الأبيض" و"البيج" ودايما نعمل السيراميك اللي في الأرض زاوية 45 ونعمل السيراميك اللي في الجدران ثلثين الجدار فقط بلاش يوصل للسقف ونعمل باقي الجدار والسقف بنفس لون السما ذايعطي وسع للحمام.





لكن لو الحمام كبير يبقى نحط بانيو ولون السيراميك يبقى أبيض وبيج أو لون غامق بحيث يعطي إحساس بالدفء في المكان.



وعلى فكرة موضوع الحمامات الملونة حمام أحمر وروز ذا بقى في رأيي حاجة قديمة وبطلت.

ولو نعمل في الحمام "استيل" اللي هو خط السيراميك اللي في الوسط يبقى يا ليت نجيب حاجة هادية وبلاش الحاجات اللي فيها ألوان ونقشات كثير كل ما الحاجة تكون بسيطة تبقى أحلى.




والأحلى والأجمل إننا كل حاجة ناخدها تبقى مستوحاة من الطبيعة على سبيل المثال السيراميك يبقى على شكل حجر أو على شكل الخشب أو على شكل رخام يعني نحاول دايما نبعد عن الحاجات اللي شكلها صناعي.






وكمان لو حمامنا حمام مصيف يبقى يا ليت السيراميك يكون فيه قواقع وأسماك يعني من الآخر يكون مستوحى من جو المصيف.

عدد الحمامات بيفرق في شكلها

فيه بيوت بيكون فيها أكتر من حمام فلو البيت فيه حمامين نعتبر حمام منهم رئيسي والثاني يكون للضيوف..

بالنسبة للحمام الرئيسي نعمل فيه كل الحاجات اللي قلناها في الحمام اللي فات أما بالنسبة لحمام الضيوف فذا مايكون فيه بانيو وبيبقى فيه تواليت وحوض فقط ممكن نعمل سيراميك في الأرض وسيراميك بارتفاع 90 سم على الجدار ونكمل باقي الجدار ورق حائط طبعا.





ولو تقولوا إن ورق الجدران بيخرب من المويه فماتخافو لأن بما إن مافي دش ومافي بانيو يبقى مافي مويه كثير وساعتها نجيب قطعة خشبية زي كونسول أو "باهيو" ونسقط فيها الحوض وممكن نحط نجفة صغيرة قوي، ولو الميزانية تسمح نعمل الأرض والجدران رخام.



أما بقى لو البيت فيه ثلاثة حمامات يعني معناها كذا بقى إن يبقى فيه حمام رئيسي وحمام للضيوف وحمام جوه غرفة النوم الرئيسية وذا بقى لازم نعمله نفس إستايل غرفة النوم فلو الغرفةكلاسيك يبقى الحمام كلاسيك ولو الغرفة لونها موف يبقى لازم الحمام يكون موف لأن الحمام لازم يكون نفس لون الغرفة

على فكرة بصفة عامة مش شرط إن لون الحمام يكون نفس لون الشقة ممكن يكون لون مختلف عن لون الشقة.

ولو حابين نجدد في منظر الشقة يبقى يا ليت نخلي الحمام لون والمطبخ لون ثاني.

ودي تشكيلة من الحمامات














اتمنى لكم كل خير
م/ن