تعلمى قرائه باترون الكروشيه وغرز الكروشيه من البدايه حتى الاحتراف
بسم الله الرحمن الرحيم
التركيز كله على الباترون المرسوم
وان شاء الله اعرض لغرز كروشيه كتيره وطرق شرحها بالفيديو
غرز صعبه وممكن فى كتير ماعندوا فكره عنها
غرز مختلفه كمان عن الموجوده فى الصوره
وايضا نعرف انواع الكروشيه كلها ونشرحها كلها ان شاء الله
عايزا تركيز على غرزه غرزه
لحد مانحفظ الباترون المرسوم كويس جدا
يعنى مش بدور على موضوع منمق ومرتب ولكن
انا قصدى تتفتح لكل واحده نفسها تتعلم قرائه الباترون
وتعرف انواع الكروشيه وتعرف الغرز بتتعمل ازاى
اشوف مين حيتابع معايا ويريد ان يتعلم
وفى الصوره دى الغرز التى سيتم شرحها
وهى عباره عن 55غرزه ان شاء الكريم
مستنيه ردودكم
وان شاء الله نخرج من الموضوع نعرف نقرا الباترون المرسوم كويس جدا جدا
تحياتى
رد: تعلمى قرائه باترون الكروشيه وغرز الكروشيه من البدايه حتى الاحتراف
البدايه لشرح 6 غرز
نبدا فى تانى غرزه وهى الدائره المغلقه
وتسمى المنزلقه
وتسمى Slip stitch
وتسمى فى الباترون المكتوب sl st
وهى تستخدم فى نهايه الشغل
او النتقال من مرحله لمرحله
ساعات تعملى مفرش وتلاقى انك على حرف الغرزه والمفروض تبداى بوسطها
فيكون الحل هو الغرزه دى
وتنهى بيها اى عمل بتشتغلى فيه
وتنهى الدايره ايضا فى البدايه زى الرسم القادم
الفيديو هنا
نشوف فى الرسمه دى الغرزه المنزلقه
ونشوف الغرزه القادمه كمان وهى غرزه الحشو
ورمزها xاو علامه +
العلامتين نفس الشكل
يعنى باترون واحد لغرزه واحده هى الحشو
رد: تعلمى قرائه باترون الكروشيه وغرز الكروشيه من البدايه حتى الاحتراف
نبدا فى الغرزه الثالثه
هى غرزه الحشو ورمزها xاو علامه +
تسمى الحشو
وتسمى Single crochet
وتسمى عند الباترون المكتوب sc
نبدا بعد كده بالغرزه رقم 23.22 وهى الاكس وتحت منها شرطه او خط
وهى غرزه جميله جدا
هى غرزه حشو عاديه لكن بندخلها فى فتله واحده من الشغل
يعنى عندنا لما نشتغل نلاقى امامنا ثلاث فتل
ندخلها فى واحده فقط منهم
وطبعا هى جزئين
ندخلها من الامام الى الخلف ومن الخلف الى الامام
ونشوف الشرح والى حيبن اكتر هة الفيديو
رد: تعلمى قرائه باترون الكروشيه وغرز الكروشيه من البدايه حتى الاحتراف
زى مااحنا شايفين هنا ندخلها فى الجزء الاخضر
اسمها بالانجليزى Back Loop
واسمها فى الباترون المرسوم back lp
الفيديو هنا
ونشوف هنا الغرزه العكس واسمها Front loop
واسمها فى الباترون المرسوم
front lp
الفيديو هنا
رد: تعلمى قرائه باترون الكروشيه وغرز الكروشيه من البدايه حتى الاحتراف
ناتى للغرزه ال20-----21
هى غرزه ممكن تكون صعبه شويه لكن لما نشوف الفيديو حنعرف ان الموضوع ساهل جدا
نشوف الفيديو قبل الشرح حتى يسهل على الشرح بعد كده
الفيديو هنا
وهى تستخدم فى نهايه هذه الطقيه او نهايه اى شغل وهى تحفه لانها تتقل الشغل خصوصا صدر الجاكت
نبدا نشرح الغرزه
هى تتشغل من الخلف الى الامام زى ماشفنا فى الفيديو
نشوف الشرح بالصور مع بعض
رد: تعلمى قرائه باترون الكروشيه وغرز الكروشيه من البدايه حتى الاحتراف
الغرزه دى اسمها Reverse single crochet
اسمها فى الباترون المكتوب rsc
طبعا انا اسفه مااعرف اسمها بالعربى
فكرتها جميله وسهله فى التنفيذ جدا جدا
الفيديو هنا
ونيجى للنهايه وهى اخر غرزه ورسمتها
عايزا اصوركم الفرق بينها وبين الغرزه السابقه زى العمود والنصف عمود
يعنى غرزه هى هى بس مضاعفه
يعنى بنلف لفتين بدل لفه واحده
ودى كانت نهايه الشرح ل6 غرز
رد: تعلمى قرائه باترون الكروشيه وغرز الكروشيه من البدايه حتى الاحتراف
رد: تعلمى قرائه باترون الكروشيه وغرز الكروشيه من البدايه حتى الاحتراف
الغرز دى ان شاء الله تكون سهله فى الشغل واكيد الكل عرفها
الغرزه الاولى رقم 18 هى غرزه البيكو
وتسمى Picot stitch
وفى الباترون المرسوم P
الفيديو هنا
نشوف مع بعض فى الصوره دى البيكو عباره عن غرزه سلسله طبعا
واحنا شرحناها عباره عن دائره مفرغه
نشوف فى الصوره فى اولها شرح للبيكو تلات سلاسل
يعنى نشتغل واحده حشو وبعد كده تلات سلاسل وننزل فى الى بعدها على طول ودى اول رسمه
بعد كده نشوف فى نفس الرسمه البيكو الى تحته دايره مقفوله
واحنا طبعا شوفنا الدايره المقفوله يعنى غرزه ساقطه او منزلقه ونشوف شرحها فى الرسمه هى هى من تحت
والرسمه التانيه هى نفس الشرح الى فى الفيديو
ونشوف شرح تانى ليها
نطلع تلات سلاسل وننزل فى نفس الغرزه
نشوف فى الصوره دى الغرزه البيكو وتحت منها اكس او + الاتنين واحد
ونشوف ان كل الشغل فى غرزه واحده نطلع تلات سلاسل وندخل فى فتلتين من نفس الغرزه ونسحب الخيط
ويبقى معانا على الابره فقلتين وبعد كده نسحب الفتله و نبدا فى الى بعدها بنفس الطريقه
وهى بتوسع الشغل جدا لما نشتغلها بتوارب العمل فى اخره
رد: تعلمى قرائه باترون الكروشيه وغرز الكروشيه من البدايه حتى الاحتراف
نيجى للغرزه الرابعه وهى فى نفس الصوره الى فاتت
وهى تسمى Love knot
وفى الباترون المكتوب تسمى lk
الفيديو هنا
رد: تعلمى قرائه باترون الكروشيه وغرز الكروشيه من البدايه حتى الاحتراف
الكروشيه فى غرز اساسيه
Basic Stitches
وفى غرز تسمى سبيشيل غرز
Special Stitches
نبدا نعرض الغرز القادمه ورمزها تختلف حسب البلد الى بتضع الباترون
اول غرزه نعرضها واحنا لسه فى السلسله والحشو
تسمى
Double-Base Chain
الغرزه تستخدم لعمل السلسله والحشو مع بعض
خصوصا فى خيط بيغلب قى عمل السلسله وبعد كده الحشو
بدل ماتعملى سلسله وبعد كده حشو تعمليهم مع بعض
وبتتشرح مع الكردون للكروشيه
نوع من انواع الكردون للكروشيه
الفيديو هنا
الغره التانيه الى حنعرضها انهارده هى عمل خطاف للشغل
للشغل الى بينشغل من فوق الكروشيه
وهى غرزه للمعرفه استخدمتوها خير وبركه ام تستخدموها خالص خير وبركه
احنا هنا للمعرفه بالكروشيه عاما نستخدم منه مانعرف
الغرزه اسمها Dart Stitch
الفيديو هنا
الغرزه الثالثه
الغرزه دى مشتقه من
Back Loop
وهى اسمها Back Loop Only 2 Single Crochet Cluster
وهى بناخد اتنين من الغرز مع بعض فى غرزه واحده
وهى قريبه للغرز الى حنشرحها فى التزويد والتنقيص
الغرزه الرابع انهارده
هى بتستخدم فى عمل ارتفاعات جوا الشغل وبتعطى شكل جميل
تسمى Extended single crochet
وفى الباترون المكتوب extended sc
وانا حعرض فيديو لها
وفيديو تانى لنفس الفكره بس بالغرزه العامود حتى تكتمل الفكره
الفيديو هنا
الفيديو هنا