يابن الكرم ويا بن حماية التال=الى اهتز من لفح القهر كل قاسي

يا شيخ جيتك ما علي مطلب حال=ولا من الفقر المنوخ اقاسي

جيتك امسلم حق تقدير واجلال=واسمح اوضح دافعي بالتماسي

جذبني صدى صيتك غدى لي على البال=ومنين ما فكرت لي هو احساسي

احب انا الطيب وطاريه واسال=منه واجي له من بعيد المراسي

واقول جزلات المعاني والامثال=في حق خطلان الايدين بحماسي

ولا اقول في غير المكارم تغازل=ولا بيع من ذمة ضميري الناسي

حيشاي من هدم البخت على سبت المال= وحيشاي من طبع النفوس الغلاسي

اقول الوكاد الحق والحق ينقال=ورزقي على محي الهشيم اليباسي

ولولاك قرم وفي الملازيم رجال=ماقلتها لو هي على قطع راسي

يا بن الكرام ويا بن ذربين الافعال=يا رمز بيت ساد مجده وناسي

بيت لكم ناست سنينه ولا زال=ارسوم مجده راسخات رواسي

بيت ذكر مجده تواريخ الاجيال=منه الزعيم ومنه حنك اسياسي

ومنه نهار الكون للعمر بذال=ومنه الاديب الفاهم الدبلوماسي

ومن عادها بالرمح رجلي وخيال=تقود قوم في المعارك قواسي

قوم على نوش المعادين دهال=بظهور عوص مزمنات العناسي

ياما شعب من هجمت دونها حال=مسود ديجور الدجا والغلاسي

وكم قرب من نازح دونه الال =خبن وجنه مبعدات الماسي

وكم قطعوهن فرجة الخوف زرفال=وكم بلمن وهروجهم بالهماسي

وكم جيد جاله من الغد ولوال=عقب التبسم بدل الضحك ياسي

الى عدن يشدن مقاسيم الاجال=لاجن مرتكب الخطا والماسي

ماعاد له من شافع كون الاعمال=لو قال قول اللي من الحق ناسي

يا شيخ هاذولا الى قلت الابطال=يوم العنايا والمنايا تقاسي

الي لهم في تالي الجيش محوال=لا اقفن خفيفات المزاهب اكداسي

وذولا هلك وانت الخلف وانت الامال=شعب خذا منك الدليل اغتباسي

وبالعون يا زايد مسميك ما عال= يا زايد الامه بعدل امواسي

سويت حق للارمال والاطفال= وفكيت اسر امكتفين الافلاسي

وبنيت دور العلم والعلم مدخال=سبل الحياة ونور ظلم الاعماسي

ودربة جيش في وغا الهوش كالتل=اذعار من في هام راسه انحاسي

جيش اشعاره شارة الموت في الحال=كله ولا القدر المقدس يداسي

والدار في عصرك لها نور واقبال=اقبال عذرى في ليالي العرسي

شقرا فتاة حذفت رث الاسمال=ولبست من المطوى اجداد المكاسي

وردية ورد عليه الندى سال=وعلمك بلون الورد والعصر ماسي

ويا بوخليفة عمر الايام لو طال=العمر فيها شبه غفوة انعاسي

والخلق فيها بين نازل ورحال=ويبقى الجميل الي غرسته غراسي

يبقى الجميل بجيد الذات والخال=واما الملفق مال بحره اقياسي

خوى الرخا يا شيخ لو قال ما قال=في الضيق ما تلقا خوى الدهاسي

عمر الصبخ ما صار به في وظلال=اللملح ملح وما لقاعه مساسي

عفا الله من عين تزايد هجيلها=وكبد لحاها الوجد يا عزتي لها

ونفس تقزيني على كل حزه=مثل الطموح اللي معيف حليلها

تجملت واخفيت السراير من العدى=ولحا الله دنيا ما توفي جميلها

دهتني بغارات على سر غفله=وخذتني بقوم ما يذكر عقليها

دعتني مشيح بالمناضيم مولع=احب المثايل دائما وانتحى لها

اون بحزني الصوت في ليلة الدجى=كما ونة المصغر يتالي عويلها

تداحم اعباري في ضميري وتحتلج =ودائي بنقسي والعنا مستشيلها

ومعاني بيوت القاف بالصادر كأنها=ورد على حوض تداحم ظويلها

تخالف وتخلفني مقاصيد عنوها=كما تخلف الفرجة روابع دليلها

حداها ضليع الوجد من قاصى الحشا=وقلب عليه من الملايل طويلها

وعين قزت من لذة النوم واصبحت=كما مزنة غرا حقوق مخيلها

ولا عاد في ما قدر الله حيله=ولا ينفع المخلوق نفس يبيلها

ولا ترقع الشكوى على غير طيب=معيد على شيل الثقيلة عميلها

كما حزة الضيقة الى قيل ردها=له الطيب الي عادته ينثني لها

جملها الى كبرت وثقلت وعومست=اهل الراي وأعيت في النظر من يحيلها

حامي عقاب الحاينه لا غتشى السماء=سحاب المثلوث والمشكوك مخيلها

ملاذى ومقصودى وذخري محمد= وجه الوجيه اللي تذرى دخليها

هل الجاني المجرم هل العطف والسخا=هل الجيرة اللي ما تخيب نزيلها

يا ولد سلطان الحرم معدن الكرم=عزوة هل العوجا وعنزة ثقيلها

جميل النبا يا شيخ والذكر قادني=مع هقوتي بك يا منجي هزيلها

لجواد ذخر الروح في القالة الذي=كود على ولد الردي يعتبيلها

والاجواد للمظهر وصف الذي ورد=جبا عيلم عد براد مقيلها

والاجواد في البلوى ملاذ من البلاء=ملاذ ومن بعد المدى ينعني لها

ولو اني على ساوي تعنيت صوبك=على حايل يطوي الخريمة هذيلها

عملية شف الغوا بنت حره= بعيد المدى لازرفلت ينططوي لها

صبور على المسرى جلود على القسى=معيد على الشطة على ما يجي لها

تبوج الفضا لاصلب القيظ واحتمي=هجير الهيافي وامرع الماء صميلها

تخازر بعين بالتواصيف كأنها=عين الهنوف الي تخازر خليلها

لكن دونك يا ذار الجار عاقني=عضيل النيا حمل كتوفي عضيها

على رسم خط هبه النود واختفى=ظلماء ولا ادري من ضحاها وليلها

على اثار خلان الصفا منقوع الوفاء=عربان ونجوع تقافا رحيلها

تقافوا وخلوني مع ظلوم غلمه=ومعهم على عسر الليالي وميلها

فلا همني دنيا ولا حسني بها=سوى ديرة ذهبوا مناعير جيلها

دعتني احد النفس في مسلك العنا=يا سول نفس ثقل الاسر ميلها

فلوا عنوا مقصودي سنع عيشه الغنى=تغانيت من يمنى كثير قليلها

ولكنني لو جدت ما ابريت ذمة=عليها ديون ما يسادي كفيلها

ولا دين الا دين من ورثه العلا=ان كان له نفس طناها يشيلها

وانا فيك بالرجوا كما ارجي الحيا=وسم على صلب انشاش غميلها

ان جدت فإن الجود لك سلم مذهب= والعود فرع من مغارس أصيلها

وان شح حظي ما شنيتك ولا بعد=بازهم سوى اللي للذايا يزيلها

الهي ومعبودي تعالى وخالقي=الخير اللي رحمته نرتجي له