معهد توب ماكس تكنولوجي » فن تصميم الديكور » الأشغال اليدوية والفنية

[شهود]

اخواتى الحبيبات يسعدنى ان اصحبكم معى لنتعلم سوياً طرق التطريز(الشك)بالخرز على :
(الملابس_الحقائب_المفارش).


اولا:

تعالوا نتعرف على انواع الخامات والاستخدام المناسب لكل خامة .

تتعدد خامات الخرز والاكسسوار ما بين خرز ملون وصغير واحجار كريمة مقلدة او اصلية
وخرز كرستال مقاسات مختلفة وخرز بلاستيك احجام واكسسوار الخشب والعاج ولولى فضى وذهبى .


اترككم مع الصور
1




مجموعة من الخامات المختلفة الالوان والاحجام تستخدم فى اغراض عديدة للتطريز على الملابس او الحقائب ولعمل تزيين للديكور.

2



3
خرز متعدد الالوان يوجد نوعين نوع كريسال ذو لمعة براقة وده بيستخدم فى تطريز الملابس السواريه( ملابس السهرات وفساتين الزفاف) ويوجد نوع بلاستك لمعة بسيطة للملابس العادية .وممكن نستخدمه طبعا فى اغرض تانية كتير هنعرفها سوا ونشرحها
ان شاء الله فى الاجزاء القادمة

4
اللولى( اللؤلؤ)
يستخدم فى تطريز فساتين الزفاف وتزيين الحقائب وعمل الاكسسوارات له الوان عديدة واشهر الوان واجملها الابيض اللؤلؤى والفضى والذهبى.


5

خامات خرز كبير الحجم متعدد الوان للتطريز وعمل الاكسسوار .



6
وهناك خامات مصنوعة من الاخشاب والعاج
وتستخدم لاغراض متعددة ايضا منها التطريز وعمل الاكسسوار والديكور وستائر الخرز.







وخامات اخرى بلاستيكة ملونة وكرستال احجام كبيرة للتزيين ولعمل ستائر الخرز ايضاً.






7

احجار كريمة ملونة
(فصوص كرستال) تستخدم لتزيين الحقائب .


8



9

ترتر ملون ومختلف الاحجام والاشكال والالوان يستخدم فى جميع اعمال التطريز على الملابس والحقائب والاكسسوار



10


وبكدة نكون اتعرفنا على انواع الخامات او بعض منها علشان نتعلم بعد كده ازاى هتستخدم الخامات دى ونصنع منها اشكال جمالية ونتعلم انواع التطريز مع الشرح والصور ان شاء الله فى الجزء التانى .

الدرس الأول

اخواتى الحبيبات هنتعلم فى الدرس الاول طريقة بسيطة للتطريز وسهلة جدا :

اسمها ( قشر السمك )

الادوات:

نجيب اى قماش عاوزين نطرز عليه ( فستان _ مفرش _ شنطة ) اللى تحبوه

ونجيب ترتر باللون اللى تحبوه

وابرةوخيط
وتعالوا نشوف الطريقة بالصور

انا اخترت اللون ده


ودى البلوزة اللى هنشتغل عليها واللى عاوزة تشتغل على اى حاجة عندها تبداء معايا
شوفوا البلوزة ازاى كان شكلها فى الاول وشوفوها لما تخلص هيكون شكلها ازاى بعد ما نعمل عليها غرزة ( قشرة السمك ).




نرسم عليه دوائر او مربعات او اى رسمة احنا نحبها بس علشان المبيدئين رسمة سهلة مربع او مستطيل او دوائر علشان تكون سهلة عليكم فى الشغل.
بعدين نبدا
تابعوا الصور
هنبدا من اول طرف للمربع ندخل الابرة من تحت القماش وندخل ترترة واحدة ونثبتها على الرسمة وندخل الابرة تانى لتحت ونطلع تانى بالابرة من طرف الترترة بدون اى مسافات بعدين نبداء نحط واحدة جديدة وناخد مسافة اقل من سنتيمتر ونكرر العملية لحد ما الرسمة تخلص .والصور هتوضح اكتر ان شاء الله
المهم نخيط من غير ما نشد الخيط قوى علشان الترتر يترص فوق بعضه زى قشر السمك بالضبط









وكده نكون خلصنا الرسمة وبالنسبة للوردة اللى فى النص نجيب خرز صغير ونثبت واحدة فى النص ونلف عليها 5 خرزات هتطلع بالشكل ده
اشكال بسيطة وسهلة .


ونيجى عند الكمر اللى على الرقبة
ونعد 6 خرزات صغيرين فى الابرة ونبدا نرص جنب بعضه يطلع بالشكل ده .


وبيكون ده الشكل النهائى بطريقة بسيطة جدا وسهلة .

اتمنى اكون افدتكم ويالا يا حبيباتى عاوزة اشوف شغلكم واللى عندها اى سؤال تتفضل .

ملحوظة
طبعا الطريقة دى مش بس تتعمل على رسومات وتتعمل على حروف المفارش والشنط والعبايات

زى كده

يارب تكون المعلومة وصلت وقدرت اشرح لكم اول درس

---

jugdl hga; fhgov. lu hgavp

[شهود]

الدرس الثانى

اليوم بشرح لكم الدرس التانى لتعليم التطريز بالخرز (للمبتدئين )
وان شاء الله يكون سهل عليكم .تابعوا معايا بالصور والخطوات



الغرزة المرة دى سهلة خالص مجرد رص خرز بالعدد مع الرسمة المرسومة
اولا نرسم رسمة على الخامة اللى عاوزين نطرز عليها
تكون رسمة بسيطة علشان المبتدئين ما تكونش صعبة عليهم





(نبداء نحددها باللون الاسود) نحط فى الابرة 4 خرزات ونقدر مسافتهم حسب طول الخرز على الرسمة ومن جنبهم نحط اربع خرازات تانى لحد ما تتحدد لنا الرسمة كلها والصور هتوضح اكتر ان شاء الله .




وبعد ما نحدد اول اطار نبدا بالحشو بنفس الطريقة بلون تانى .



هنفضل ماشيين صف صف لحد ما نملى المساحة كلها بالحشو ونراعى ان تكون المسافات ضيقة قوى علشان مش تبان فواصل\ تكون الخطوط كلها مترابطة كانهم قطعة واحدة

وكده نكون خلصنا حشو اول دائرة
شفتوا بقا الدرس سهل ازاى علشان خاطر عيونكم
ونكمل باقى الرسمة بنفس الطريقة




ونفس الطريقة فى الخطين اللى على الجناب نحددهم بالاسود وفى النص نعمل صف باللون الفاتح



كدا تكون خلصت الرسمة بتاعتنا


نبدا بقا نعمل الشراشيب فى اخر الدائرة
وطريقة عملها هنلضم خيط فى الابرة ونعقد الخيط عقدة متينة وكبيرة فى الاخر ونرص خرز بالترتيب باللون اللى احنا عاوزينه ونخيطها فى الرسمة واحدة ورا التانية ونراعى ان تكون المسافات متساوية والطول متساوى .



ده شكل الشراشيب
ونبدا نخيطها واحدة جنب واحدة وكل مرة نكرر نفس الطريقة


وده هيكون الشكل فى النهاية



اتمنى ان يكون الدرس سهل عليكم واكون قدرت اوصل لكم المعلومة بشكل مبسط
واى اخت عندها اى سؤال من عنيا .


واحب اضيف ان طريقة رص الخرز دى طريقة سهلة وتنفع فى كل الرسومات وتنفع فى التطريز على كل الاقمشة
بس اهم شىء ضبط المسافات وعدد الخرز
ونوضح اكتر بالصور وشكل رسومات علشان نستفيد اكثر













وبما ان طريقة لف الخرز دى سهلة
ازود لكم غرزة جديدة
اسمها الجدلة او المجدولة وهى بتكون زى الضفيرة هقول لكم فكرة عنها واشرحها بتوسع اكتر فى الدرس القادم ان شاء الله
(جدائل الخرز )
او ( سلسلة الخرز )



ده بيكون شكلها وهى انواع فى منها العريض ومنها الرفيع
فكرتها انك تعدى 6 خرزات فى الابرة وتخيطيهم فى القماش وتطلعى الابرة من جنب الخرزة رقم 3 فى النص وترجعى من جديد تعدى 6 خرزات . هى صعبة شوية بس ان شاء الله اشرحها لكم اكثر اذا ما كان شرحها واضح

منقول

[شهود]

عرض أفكار وأشكال لتطبيق الدرسين
( غرزة قشر السمك) و ( غرزة رص الخرز )
أرجو أن تنال اعجابكم وتنفذوها إن شاء الله












طبعا كل الرسومات دى تصلح للتنفيذ على المفارش او الملابس والحقائب

[نبض الابداع]

يسلموووووووووووووووو عل طرح

[دنيا فريد]

بسم الله الرحمن الرحيم
اين روابط الكتب
انوار

[دنيا فريد]

بسم الله الرحمن الرحيم كل عام والامه الاسلاميه بخير



انوار

[دنيا فريد]

شـ كــ وبارك الله فيك ـــرا لك ... لك مني أجمل تحية .


انوار

[دنيا فريد]

<P><IMG src="صوره">بسم الله الرحمن الرحيم </P>
<P>&nbsp;</P>
<P>انوار</P>

[دنيا فريد]

الله اكبر ولله الحمد
انوار

[دنيا فريد]

بسم الله الرحمن الرحيم

انوار