السلام عليكم يابناااات..

انا مابدخل في الموضوع على طول اول شي بدردش معاكم شوي عشان ادخل بالموضع
لازم تتحمسون

شوفو بعلمكم عن قصتي ويا شعري ,,,

انا لما كنت صغيره كنت كل مره العب بشعري لعب اقصه بدون محد يدري

وانا من النوع الي اموت على الشعر الطويل بس كل مايطول اقصه
كانت الماما تعصب بس اعتذر وارجع اقصه بشكل مو ملحوظ

طبعاً كنت ناويه اطوله بس لما دخلت بصراحه تشجعت ان اطوله وبجد ناويه اطوله

طبعاً ماخليت زيت ولا خليت خله ذبحت عمري

لازيت جرجير ولا خروع ولا لوز ولا بطيخ
والنتيجه كانت طل ههههههه

وحطيت حنا بس الزين فيه لونه وبس

المهم
بعلمكم سر خطير

انا قصيت بس القصه قصيره وبالإستشوار تكون فوق الحاجب ---- ماتتوب ههههه

والله العظيم من استخدمت دابر املا الأخضر الي عليه صورة بنت عندها مرايه

حسيت بفرق

بالإستشواء الحين صارت القصه توصل لنهاية انفي

طبعاً ماصار لي اسبوع كامل من يوم الجمعه بديت استخدمه

واليوم الثلثاء يعني كم يوم -- الجمعه - السبت - الاحد - الاثنين

يومياً استخدمه

ثلاثة ايام استخدمته بدون مااسخنه ويوم واحد حطيت العلبه بماي دافي وسخن
والنتيجه تبين حتى لو ماسخنتي الزيت بس اذا تسخنيه افضل

المهم
انا استخدمت الحنا لشعر بعد ماسمعت المدح عليها وبس تطلع عيني اذا اغسله

مايطير من شعري الا بالغصب

انا عادي احب اي لون للشعر وخاصه الأسود انا استخدمت الحناء عشان ااغير لونه

بصراحه حصلت لون حلو
والدابر املا سمعت ان فيه صبغة سوده تخليه اسود بصراحه انا ماشفته اثر على لون الحنا
بس بجد بجد طول اقسم بالله وبسرعه ملحوظه

طبعاً ماطول بروحه وبس
والسر العجيب هو الجديله
كنت اجدله ومااخلي ساعه او ساعتين احياناً انام فيه واجلس الصباح اغسله ببيبي جونسون

وكانت تخف الريحه ,,
بس والله يابنات غير الطول .. لمعه ونعومه
ومن الجذور لي الأطراف مافي اي تقصف والله شي رهيب
اول زيت يصدق بشعري

وبالنسبه للريحه ... ريحته عاديه جدا جدا,,, احسه كأنه صابون مغربي مخلوط بزيت زيتون

على الأقل افضل من زيت الجرجير الي ريحته تخنق كأنه زيت نباتي قالين فيه سمك خمس مرات

بس هم زيت الجرجير على ريحته يعطي لمعه رهيبه للشعر ذميته ومدحته عشان ماتزعلون مني

اما زيت دابر املا فيه لمعه تجنن للشعر بديله للسيروم بالإستشوار بس هم لو تستخدمو سيروم عليه يصير جنااان

ارجع واكرر يابنات مااوصيكم بالجديله واهم شي ماتضغطين على شعرك بالجديله عشان مايرجع يتقصف

اول شي تحطي الزيت وبأصابعك تفركي فروة الرأس

وتمشطيه وتجدليه وتخليه وخلاص المسأله ماتاخذ منك وقت

يوم على يوم وشعرك بيوصل لركبك

طبعاً هالزيت استخدمته جدتي لأمي وقالت لي كل ليلة كانت تجدله لها والجديله كثيفة وطويله
لما شافت امي الزيت عندي قالت هذا للحين يبيعوه ,,,
وقامت تمدح فيه ,,,,

مع تمنياتي لكم بشعر طويل وكثيف وحلو وناعم

تحيااتي