المدفون


اول طبقة تقطعوا بصل شرائح حوالي اربع او خمس كبار وترصوه في قدر الضغط بدون اضافة زيت
وبعدين نقطع الدجاج ارباع وبطاط شرائح عريضه ونبهره بكركم وبابريكا (بالوصفة الاصلية نعمل بدل الكركم صبغة الارز الصفراء بس اني عملت الكركم للون والطعم وكمان مافيش بابريكا بالوصفة الاصلية اني اضفته )
ونظغط عليه بالظغاط حق ربع ساعة بالطبقة الاولى مانضيف اي زيت
الطبقة الثانية
ارز ابيض مفور على جنب مثل حق الزربيان بعد مايفور نشنه من الماء ونضيف له ثلاث ملاعق سمن ونفرك الرز بالسمن
بعد ربع ساعة نفك قدر الضغط ونبخر الدجاج والبطاط ونحط الرز ومن فوق الرز نرش قليل كركم وقليل بابريكا بدل الصبغة عشن يعطي لون وقليل سمن وزيت ونبخر الرز ونقفل عليه حق 20 دقيقة على نار هادئة
جربوه ينفع للعزايم سهل ويطلع طعمه مره حلو


منقول من جروب سيسر عدني