طبق رمضان لليوم الواحد والعشرين .. جمبرى صينية بالخضراوات وشوربة سى فود والقطايف المحشية بالتمر وآيس كريم منعش بالبندق والسحور عجة المشروم

سفرتنا النهاردة مليانة باطباق شهية جدا , لو كنتى محتارة فى أطباق رمضان تعالى جربيها ,
نتيجة مضمونة وطعم رائع للغاية … يلا مستنية ايه دى أطباق مش ممكن تقاوم , قدميها على سفرة افطارك وسحورك واختارى الوجبة اللى تناسبك …

الافطــار :
صينية الجمبري بالخضارالمقادير:
½ كيلو جمبري بالقشر
½ كوب صلصة طماطم
ثمرة بصل متوسطة مقطّعة شرائح رفيعة
2 ثمرة فلفل ألوان مقطّعة شرائح رفيعة
قرن فلفل حامي مقطّع شرائح رفيعة
ثمرة كوسة مقطّع شرائح رفيعة
ثمرة جزر مقطّعة شرائح رفيعة
2 ملعقة زيت زيتون
ملعقة صغيرة كمون
2 عود كرفس مفروم
ملعقة صغيرة زعتر
2 فص ثوم مفروم
ثمرة بطاطس
ملح وفلفل
طريقة التحضير:
1- شوّحي البصل والثوم في ملعقة كبيرة زيت على النار لحد ما يبقى لونهم ذهبي، وبعد كده ضيفي عليهم الكرفس والزعتر وقلّبيهم مع بعض شوية على النار.
2- ضيفي الجزر والفلفل والبطاطس والكوسة والفلفل الحامي على البصل، وشوّحيهم مع بعض لحد ما الخضار يبقى نصف سوى.
3- بعد كده حطّي عليهم الجمبري، وتبّليهم بالملح والفلفل والكمون، وبعدين ضيفي عصير الطماطم، وقلّبيهم على النار لمدة 5 دقائق.
4- افردي ورق فويل في صينية، واقلبي عليه الجمبري بالخضراوات وضيفي عليهم ربع كوب ميه أو صلصة طماطم، وبعدين اقفلي الفويل عليه.
5- دخّلي الصينية في الفرن لمدة 10 دقائق، وبعدين طلّعيها واغرفي الجمبري في طبق التقديم.


شوربة سى فودالمقادير:
2 كوب مشروم قطع
1 كوب كريمة
2 كوب مرقة دجاج
½ بصلة مفرية
½ كوب جزر مفرى
ملح – فلفل أسود – جوزة الطيب – ورق غار مجفف بودرة
1 كوب حبات جمبرى مجمد
1 كوب قطع كاليمارى
4 أصابع كابوريا مقطعة
طريقة التحضير:
نشوح البصل المفرى في قليل من الزيت مع الجزر ثم نضيف المشروم ويشوح جيدا ثم نضيف الكليمارى ونتركها لتشوح ل3 دقائق أخريين ثم نضيف الجمبرى ونكمل تشويحه حتى يأخذ لون ذهبى فاتح ثم نضيف المرقة ثم نتركها لتغلى مع أضافة التوابل ل10 دقائق ثم نضيف الكريمة والكابوريا وتترك لتغلى ل5 دقائق ثم تقدم

العصــائر والحلــويـات :
آيس كريم بالبندقالمقادير:
16 معلقة آيس كريم أى نوع
1 كوب بندق محمص ومقطع( إستبدليه بنوعك المفضل من المكسرات )
نصف معلقة صغيرة قرفة
نصف معلقة صغيرة زنجبيل
ربع كوب سكر بنى
طريقة التحضير:
1 – ضعى كوب واحد من الماء البارد او اللبن البارد ( 200 مل ) فى وعاء عميق.
2- اضيفى محتويات باكت آيس كريم دريم الى الخليط.
3- اخلطى الخليط جيدا بأستخدام مضرب كهربائى او بأستخدام مضرب اليد لمدة 3 دقائق او حتى يصل الى المرحلة المطلوبة من التماسك.
4-ضعى الخليط فى الفريزير لمدة 2 ساعة على الاقل او حتى يتجمد تماما
5- جهزى صنية بورق الزبدة وأخرجى الآيس كريم من الفريزر وبأستخدام معلقة الايس كريم ضعى كذا قطعة آيس كريم فى الصينية
ثم ضعيها فى الفريزر لمدة 15 دقيقة .
6- ضعى القرفة والزنجبيل والسكر والبندق فى المطحنة ( محضر الطعام ) حتى تصبح فتافيت.
7- أخرجى الآيس كريم من الفريزر
8- قسمى قطع الآيس كريم على أطباق التقديم ثم رشى عليهم الخليط وقدميها زينيها بالعسل الأبيض أو نوع الشربات المفضل لديكى.


قطايف بالبلحالمقادير:
– نصف كيلو قطايف.
– نصف كوب كريمة.
– 10 واحدت تمر منـزوعة النواة، أو بلح اسود طازج مقشر ومنظف.
– ربع كوب لوز مفروم او أي نوع مكسرات تفضلينه.
– شربات.
الكريمة:
– كوب لبن.
– 2 ملعقة طعام نشا.
– ملعقة صغيرة سكر.
تقلب المكونات على البارد، ثم تقلب على النار حتى تتكثف.
الشربات:
– 2 كوب سكر.
– كوب وربع ماء.
– نصف ليمونة و2 فانيليا.
تقلب المكونات على النار ويترك الى ان يعقد او يثقل.
طريقة التحضير:
– يفرم البلح وتضاف له الكريمة والمكسرات، وتحشى به القطايف وتغلق جيدا.
– تحمر القطايف في زيت مغلي حتى تأخذ اللون الذهبي، ثم ترفع وتوضع في الشربات، وتقلب فيه ثم تنشل وتقدم في طبق التقديم.


السحــور :
عجة المشرومالمقادير:
بيض
فطر
فلفل بارد
بصل
جبن تشيدر
بقدونس
طريقة التحضير:
نقطع البصل والفلفل البارد ونقلبهم بالزيت
ثم نضيف الفطر ونتبله بالملح والفلفل
نخفق بيضتين ونخلط معها البقدونس ونصبها ع الفطر
ثم نضيف جبن التشيدر مكعبات ونتركه على النار حتى ينضج ويذوب الجبن
نقدمه مع خبز محمص – شرايح طماطم – شرايح تركي مدخن
وبالصحة والهنا…