أحلى مندي لحم بالفرن ذبيحة ( لا تفوتكم )


السلام عليكم



حبيباتي هذا أول موضوع لي أنزله في قسم الطبخ وهو مندي اللحم والله كانت مغامره بالنسبة لي اني اطبخ ذبيحة في الفرن بدون ماااااااء كنت متخوفه مايضبط بس الحمد لله طلع خطيييييير جدا وكان عيدنا في عياد الفطر والله الطعم رووووووعه وجربوا وراح تدعون لي لدرجة ان الكل كان يتوقع أنه من مطعم .. يالله نبدأ المقادير والطريقة وبالصور والتفصيل الممل علشان الكل يدعي لي


المقادير



6 فصوص ثوم

1 بصلة كبيرة
2 مكعب ماجي

تفرم فرم ناعم جدا

مثل ماهو واضح بالصورة



بعدين نضيف : م ونصف ك بهار مشكل
م ك كمون مطحون
نصف م ك ليمون أسود مطحون
نصف م ك فلفل أسود مطحون
1 م ك ملح مطحون
2 م ك خل أبيض
بيالة شاي زيت
م ص صبغة الزعفران اللون أصفر
تخلط مع بعض وتذوقي الملح إذا كان يحتاج زيدي




وبعدين تلبسين قفاز وتدعكين اللحم جيدا وتعملين شقوق بالسكين علشان تدخل التتبيلة وتجهزين صينية الفرن وتفرشين فيها قصدير بالعرض والطول مثل ماهو واضح في الصورة



وتحطين اللحم مثل ماأنتو شايفين متبلة بذمة وتغلفين اللحم بالقصدير وتلفين جوانب القصدير برم صغير وتتأكدين مايكون فيه ولا فتحة علشان البخار مايطلع





ضروري جدا ذا الخطوة علشان ماء اللحم اللي بينزل اثناء الطبخ مايخرج من القصدير


وبعدها دخليها الثلاجة ساعة وكل ما كانت المدة أطول صار الطعم ألذ علشان التتبيلة
وتشغلي الفرن قبل من فوق وتحت ويكون حااار والنار هادئة جدا وتكون الصينية أسفل الفرن وسكري واستودعيها الله ههههه لأنها رااااح تجلس الفرن ساعتين ونص إلى ثلاث على حسب حجم الذبيحة وكل ساعة شيكي عليها استوت أو لا وبعدين طلعيها من الفرن واستمتعي بأحلى ريحة وأحلى طعم لذيييييييييذ ومنظر مغري زي ماهو في الصورة وإذا حابه نكهة المدخن حطي شوي زيت وعليه قشر بصل وقطعة فحم وقبل لا تشيلي القصدير
وحمريها من فوق




وكنت آخذه رجل الذبيحة وطبختها عادي علشان اكبس الرز في مرقها وهذا المنظر النهائي




الحمد لله ... يابنات والله تعبت جدا في التحميل لأنه أول مره .. ماأبغى غير دعواتكم لا تحرموني منها

منقول