المقادير
1كوب نشا
1كون ماء
كيلو​لبن
كوب ونص سكر علىحسب الرغبه
فانليا
مكرونه اسبكتى 100جرام
معلقه سمنه
الطريقه
نغلى اللبن ونضيف ليه السكر والفانليه

نكسر المكرونه قطع صغير ونسلقها اوى
وبعد ماتتسلق نضيفها للبن المغلى على نار هاديه
وندوب كوب النشا فى الما ونضيفهم للبن والمكرونه مع تهدئه النار والتقليب الى ان يتماسك الخليط زى المهلبيه كده
وبعدين نضيف معلقه السمنه وبعدين نطفى النار
ونجيب صنيه مناسبه وندهنها زيت
ونحط الخليط كله فيها
وعلى الوش ندهنه سمنه على خفيف كده
وندخلها الفرن
وقبل مانخرجها نولع الشوايه علشان تاخد لون دهبى كده من فوق


انا عملتها كده بالظبط ب كنت زودت ربع كوبايه جوز الهند للبن وهو بيغلى مع السكر
وممكن كمان للناس الى بتحب المكسررات ممكن تحطوا كسرات


وكنت بفكر اضرب المكرونه فى الخلاط بعد ما اتسلقت واشيفها للبن بس مش عملت كده المره الجايه اكيد هعملها كده ان شاء الله
وكان طعمها جمييييييييييل جدا
جربوها ويارب تطلع حلوة وتعجبكم وماتنسوش تدعولى ان ربنا يفوفقنى فى دراستى واخلص كليتى على خير ويحميلى خطيبي وجمعنى بيه على خير ويرزقنى الخير يــــــــــارب ولكل واحده هتدعيلى المثل ان شاء الله