أذا لك شف في شوفي تراني
على شوفتك صحيت الأماني
زرعت الشوق كله بإنتظارك
وأخذت الأنتظاروجيت عاني
نسيت الناس لكن مانسيتك
عجزت أنساك حتى لوثواني
مليت الكون وأشغلت الجوارح
نظرعيني.سماع أذني.لساني
عطيتك شي ماهوعند غيرك
ولاقصرت ... لكنك أناني
أنا أحبك وأذا ودك تأكد
شف الله كيف بيدينك هداني
غيابك صعب والأصعب وجودك
وأنا فالحالتين أتعب وأعاني
حبيبي لاتواخذني .. ولكن
أبيك تحط نفسك في مكاني
أذا جيتك وأنا مشتاق تقفي
تجاهلني وكنك ماتراني
وأذا صديت عنك وقلت أبرحل
وقف قلبك على الباب ودعاني
ولوسويت نفسي ماأشوفك
يميل القلب صوبك ويحداني
أناياأبن الحلال أصعب حكاية
كتبني الوقت لكن ماقراني
مضى عمري وتقدرتعتبرني
غريب وفي زمن ماهوزماني
زماني راح مع نصفي ونصفي
نسى نفسه مع الوقت ونساني
أسافر حزن والصحبه ثلاثة
أنا والصبر وسهيل اليماني
وأذا مريت فبلاد الطفولة
هنا دمعة جرت من عين جاهل
هنا باعتني الديره وأهلها
هنا ضحيت لفلان وجفاني
هنا حاولت أصيح وماسمعني
سوى بعض الشوارع والمباني
أنا ياسيدي دقة قديمة
بغيب أخذ من الوقت وخذاني
على الأنقاض واقف دون حيله
أشوفك وجهتي بين المواني
تعال وضمني ياتاج قلبي
دخيلك لاتخليني عشاني
أناشاعرعيونك ياحبيبي
مع التحريف في بعض المعاني
ومانيل المطالب بالتمني
ولكن شوفتك كل الأماني
محبة صادق النية قصايد
ومحبة ساقط النية أغاني
قسم بالله لوموتي بيدك
وأموت ألفين مره ماكفاني
وأذا باقي من الطلقات طلقة
دخيلك حطها بين المحاني.