اليوم عملت قدره ع دجاج
بستعمل الرز الحبه الطويله
بغسلو وبنقو بميه سخنه ورشه ملح
بنغسل الدجاج وبنسلقو مع بصله ورق غار وحب هيل وحبتين لومي وكم حبه كبش قرنفل وملح ليستوي
لتحضير القدره : بدنا معلقين سمنه بنسيحهم وبنقلي فيهم بصله وسنين ثوم مفرومين ناعم وقرن فلفل اخضر مقطوع نصفين وبنضيف الومي الي بسلق الدجاج وبعد تحمير البصل بنحط حوالي لكاستين الرز ٢٠٠ غ حمص حب مسلوق من قبل وبنضيف بهار مشكل وكاري وهيل مطحون وفلفل اسود ورشه عصفر صغيره وملح حسب الرغبه وبنتاكد ازا بدنا ملح بس يكون المرق مش ملح كتير
بنقلب الخلطه شوي وبنصفي الرز وبنضيفو ع الخليط وبنحركو ليمطس السمن وبنضيف المرق غمره الرز وزياده سم بس وازا بدو اكتر بنضيفلو شوي ازا احتاج الامر
خلطه تحمير الدجاج : معلقتين زيت زيتون ورشه ملح ورشه بهار ورشه بابريكا ورشه كاري ورشه ثوم مطحون وعصره ليمون ومعلقتين كاتشب بنخلطهم وبندهن الدجاج وبنحمرو ع الوجهين بالفرن
وبنزن باللوز المقلي
وصحه وهنا
جربوها كتير طيبه