يسعدكم ياغاليين حابه انزلكم طريقة مقلوبة المفتول
المقادير دجاجتين بدون جلد وعلبة رب البندوره وبصلتين وعلبة حمص وحبتين بندوره وفلفله حلوه وباتنجان وكمون وملح وورق غار وهال وربع كاسة زيت زيتون ومفتول مقدار كيلو
اول شي بنسلق الدجاج مع بصله وورق غار وملح وهال وربع ملعقة بهار حلو وعلبة رب البندوره وكمون ومن بعدها بس ينسلق بنصفي المرقه وبنشوي الدجاج وبعدها بنحط بقاع الطنجره فلفل حلو وبندوره وبنضيفلهم الدجاج المشوي وبعدها بنقلي الباتنجان وبنحطه فوقها وبصحن كبير بندير المفتول وبنضيف عليه ربع كاسة زيت زيتون وبنفرم البصله ناعم كتير بمحضرة الطعام مع كمون وشوية بهار حلو وبنخلطهم مع المفتول وبنحط معاهم علبة الحمص وبعدها بنضيفهم للطنجره وبنحط مقدار المرقه الموجوده معنا عليها تكون غامرتها تقريبا ٣ سم فوق المفتول وبس يغلي بنتركه ١٠ دقايق ومن بعدها بنقلل الحراره لحتى يستوي متل الرز ولمن بنقلبه بنحط عليه لوز مقلي وبنقدر نعمل جنبه صحن سلطه وصحه وهنا ويارب طريقتي تعجبكم ...... شذى