الجلاش باللحمه المفرومه
================

المكونات
1 لفه جولاش
نصف كيلو لحمه مفرومه
1 كوب سمنه
1 كوب لبن
2 بيضه
1 بصله كبيره مفرومه
1 معلقه كزبره ناشفه
نصف معلقه ثوم مفروم
1 معلقه صغيره زعتر مفروم
ملح وفلفل اسود
الطريقه
هنجهز الحشوه الاول ودى سهله جدا فى حله على النار فيها شويه زيت بسيطه اوى بحط اللحمه وبقلبها كويس اوى وبضيف البصل المفروم والثوم المفروم معاها وبشوحها كويس اوى وبعدين بضيف الملح والفلفل والكزبره والزعتز البودره وبسيبها تستوى وبعدين بنرفعها فى مصفاه عشان تصفى كل المايه اللى فيها بعد كده بركنها على جنب وبجهز صينيه اللى هعمل فيها الجولاش وبندهنها سمنه ونحط ورقتين من الجولاش وشويه سمنه صغيره ممكن تدهنيها بفرشاه وبعدين ورقتين تانى وهكذل لحد نصف لفه الجولاش ماتخلص معاكى بعد كده هنحط الحشوه اللى جهزناها ونفردها كويس على الجولاش بعد كده الطبقه التانيه من الجولاش ورقتين وسمنه وههكذا لحد الكميه ماتخلص معاكى هندهن وش الصينيه سمنه كويس ونقطع الجولاش بسكينه وبعدين نضرب كوب اللبن مع البيض وشويه ملح وشويه فلفل ونسقى بيهم الجولاش قبل دخوله الفرن عشان الحشوه تمسك معاكى فى الجولاش وكمان يطلع لونه ذهبى وجميل وكمان عشان يكون كرسبى وهندخله الفرن على درجه حراره متوسطه ونطلعه ونقدمه ساخن وبالهنا والشفا