كب كيك الجلاكسي

المقادير:

كيك شكلاطة من السوبر ماركت او لو عندك كيك شكلاطة انتي ديرتيه قبل وقعد منه هادي هتكون فكرة حلوة انها تجددي طعمتة وتقدمية بشكل جديد
3طروف شكلاطة جلاكسي
عسل طبيعي
بسكويت شـآي آي نوع مش مشكله حتي متاع السنبلة ماشي حاله
باكو كريمة فانيليا
و شوكـلآته بيضاء سـآيله
وقوآلب كب كيك فيها ورق القوالب الخاص بالحلويات اكيدة تعرفوه

والمقدار تقدري في النهاية تضاعفي علي حسب الكمية اللي تبيها وعدد الاشخاص اللي عندك في الحوش


الطريقـه ..
نـآخذ الجـآلكسي ونذوبوه في حمام مائي لين تسيح تماما
وبعدين
نجيب القوآلب وندهنهـآ بالشكولآته ونركز ع الحوآف آهم شي وبعدهـآ ندخلهـآ بالفريز لمدة 5 دقـآيق ونطلعهـآ ..
وندهنهـآ مره ثـآنيه
هذا في حالة انك تبي الطبقة الخارجية من الشكلاطة تكون غلظة ممكن تكتفي بطبقة واحدة لكن تكون متوزعة كويس
لكن طبعا لما نقلوا شكلاطة اكيدة منو مايحبهاش


ونرجععهـآ الفريز خمس دقـآيق ونطلعهآ باش نحشوها
الحشوه تتكون من الكيك وشويه بسكويت و فـآنيليه الكيك قطعيه صغير والبسكوت حتي هو ويفضل تطحني البسكوت طحن ناعم وبعدين تجمعيهم مع بعض بكاشيك عسل صغير
ابدأي احشي القوالب بالحشوة متاعتك وبعدين سكري عليهم بباقي الشكلاطة ورديهم للثلاجة باش تتجمد الشكلاطة
لما تطلع زينيها بخطوط من الشكلاطة البيضاء علي وجة القوالب وممكن تقدميها مع الشاي تطلع حلوة جدا
وصحتين