طريقة عمل المحشى المصري بالصور محشي الباذنجان والفلفل ومحشي الملفوف ( الكرنب )







بسم الله الرحمن الرحيم


نبدا بالمحشي

اولا خلطة المحشي : بصل مبشور (بصلة متوسطة ) - 2كوب رز مصري -طماطم (نص كيلو او اكتر شوية )صلصة -شبت وبقدونس( ملء كوب )-ملح

وفلفل -نعناع جاف( ملعقة )


اجيب وعاء واحط كمية زيت قليلة واقلب البصل للاصفرار





واضيف الطماطم المعصورة ولما تتصلص الطماطم يعني تطخن اضيف الرز مغسول واقلب واطفي النار





اضيف الشبت والبقدونس والنعناع والصلصة والملح واقلب واتركهم يبردوا





وده شكلها






محشي الباذنجان

ااضغط بيدي علي الباذنجان واحركه فوق الرخامة لحد لما يطري علشان يسهل التقوير





اشيل العنق بشكل متساوي





ادخل المقوار من كل الاجناب والفه لحد لما اطلع القلب بشكل متساوي والف المقوار بدون ضغط علشان ماتنقطعش مني









امسك الباذنجان بيدي الشمال وابدا احط الحشوة بيدي اليمين واضغط باصبعي لتخيل الحشوة لحد لما املاها







بعد الحشو اراعي ان الرز لما بيستوي بيتمدد يعني لازم ماتكون الباذنجانة مليانة لاخرها اذن فبع الحشو ادوس باصابعي واضغط شوية اخرج الذيادة زي الصورة كدة






من الافضل اني احط معاه في نفس الوعاء محشي فلفل لانه بيعطيه ريحة احلي ف اجيب فلفل رومي واقور واحشيه





ارص بقد المستطاع واقف علشان مايخرج الرز منه اثناء السوا واسقيه بالمرقة لحد لما تبقي في مستواه واول لما تغلي اغطي الحلة واوطي النار لحين السوا واعرف السوا لما اطلع واحدة واضغط عليها والاقيها طرية







وبعد لما يستوي استني شوية ماغرفش علي طول علشان يكون تماسك ومايتهريش مني





وبالف صحة وعافية

يتبع


محشي الكرنب او الملفوف

نقطع الكرنب كل ورقة علي حدة من عند العنق






اغلي مية في حلة كبيرة واسقط كل 3 ورقات ويكون جنبي مصفاه كل لما تستوي احط في المصفاة لحد لما اخلص الكمية



اجيب ورقة الكرنب واطبقها واقطع العود الناشف اللي في النص وابدا اقطع بالعرض شرحات مستطيلة







افرد كل جزء وابدا احشي احط الخلطة هي نفسها السابقة واسيب الاطراف فاضية يعني مش احط الخلطة من اول الورقة لاخرها

والفها بحيث تكون متماسكة ومشدودة مش مرتخية













اجيب حلة وافرشها بالورق الاخضر اللي في اول الكرنبة وسلقاه وابدا ارص المحشي واعمل الحرف اللي في نهاية اللفة من تحت







اسقيه بالمرقة ويفضل تكون دسمة ويكون ارفاعها في الحلة تغطي المحشي ولما تغلي اوطي النار لحد لما تستوي ويغرف بعد لما تهدا شوية علشان اقدر امسكها واللا تنفك او تنقطع








وبالف صحة وعافية


م/ن



'vdrm ulg hglpan hglwvd fhgw,v lpad hgfh`k[hk ,hgtgtg ,lpad hglgt,t ( hg;vkf ) hglgt,t hglpad hglwvn hgfh`k[hk hg;v,j fhgw,v ,lpad ,hgtgtg