فطائر محشيين بالكفتة
مقادير وطريقة تحضير الفطائر محشيين بالكفتة بالصور
مقادير عجين الفطائر محشيين بالكفتة بالصور

نصف كيلو دقيق +ملعقة كبيرة خميرة الخبز +ملعقة صغيرة ملح +نصف ملعقة صغيرة خميرة الحلوة+ 2ملاعق كبار سكر +ربع كوب دانون ديال درهم+ربع كوب زيت ذرة استعملوا نفس عبار علبة دانون+كوب ماء دافئ ممكن اقل او اكثر حسب نوعية الدقيق

طريقة تحضير عجين الفطائر محشيين بالكفتة بالصور
كنخلطو النواشف وكنضيفو الزيت و دانون ونخلطو مزيان ونتاكدو من الدقيق واش كيشرب الزيت ودانون
من بعد كنضيفو الماء شوية بشوية حتى نحصلوعلى عجينة لينة كتلصق شوية بالايد
كنعجنو العجينة ديال الفطائر مزيان حتى ماتبقاش تلصق
و نخليوها تختمرلمدة ساعة

حشوة الفطائر
كنشحرو بصلة مقطعة بملعقة الزيت و نضيفو ليها 200غ كفتة+ ملح


ابزار+ كمون+ التحميرة +السودانية ونخلطهم ونخلي الكفتة حتى طيب ونضيفو ليهم
ملعقة معدونس+ شوية جبن مفروم + بيضة+ شوية زيتون اخضر مقطع و

نحركهم بسرعة فالنار ونخليوهم يبردو
منين تخمر العجينة ديال الفطائر كنشكلوها على شكل كريات بحجم بيضة

كل كرة من الفطائر كنحشيوها بمعلقة الى ملعقتين من الحشوة ونسدو الكرة مزيان

كنحربلو الفطائر حتى يوليو على هذا الشكل ونديرو الفطائر في الطاوة

ونشرطو الفطائر محشيين بالكفتة بالسكين
ونخليو الفطائر يخمرو لمدة 10 دقائق
كندهنوهم ببيضة مخففة بالماء وندخلهم لفران يطيبو
هاهما الفطائر محشيين بالكفتة منين خرجناهم من الفرن