أزيكو يا احلى عضوات

كل سنة وانتم طيبين

مش هطول عليكو

انا لقيت طريقة جميلة لعمل المهلبية على النت قلت انفذها الاول وبعدين لو النتيجة طلعت حلوه انزلهلكم

والحمد لله طلعت جميلة وعجبت جوزي حبيبي والاولاد


هيه سهله جدا وعبارة عن مهلبية قمر الدين زي اللى بتعمليها العادية


ومهلبية تمر هندى

انا نسيت اصور الخطوات من الاول ومفتكرتش غير في الاخر

انا عملت مهلبية قمر الدين وصبتها في الكاس بالشكل ده



وسبتها لما بردت خالص

وبعدين عملت مهلبية تمر هندي

كوبيتين مايه ومعلقتين كبار تمر هندي و4 ملاعق سكر وندوبهم مع بعض
ونرفعهم على النار حتى الغليان



وبعدين نجيب نصف كوب ماء او نعمل نص كوب تمر من غير سكر ونضيف عليه معلقتين نشا بالشكل دا



والصوره دي بعد ما ضفت عليها النشا



وبعد ما تغلى بالنشا لمدة دقيقة يعني النشا يستوى معاها نرفعه من على النار ونسيبه يبرد شويه

وبعدين نصبه فوق الكاس اللى فيه التمر بالشكل دا



ودى صورة تانية


وبعدين نزوقه بالشكل دا



ودي صور عن قرب










وعلى فكره ممكن تعملوها 3 طبقات

والطبقة الثالثة تكون مهلبية بيضاء يعني باللبن والنشا وتحطوها في النص بتبقى تحفه وشكلها بيكون اجمل

ايه رأيكو بقه

يارب تعجبكم