السلام عليكم ورحمة الله وبركاته
رمضان كريم عالجميع

انا جايبه لكم اليوم نوع من السمبوسه
العجينه نفس الباكستانيه
بس الحشوه انا سويتها من عندي , حبيت اغير فيها شوي وان شاءلله اتجربونها وتقولون رايكم فيها

تفضلوا شوفي المقادير والطريقه وجربوها والله روعه بتعجبكم

اولا العجبنه :

11كوب دقيق ابيض او (رقم 1) +1ملعقة طعام زيت +نص ملعقة شاي ملح +نص كوب ماء
او على حسب ما تحتاج له العجينه ولازم تكوني خشنه مثل عجينه الخبر ..

الحشوة :

2 بطاطس متوسطه مسلوقه + 1 ملعقة شاي ملح + بصله مفروحه +نص كوب حبات ماش مسلوق
شوي بقل او بقدونس مفروم اذا ما وجد البقل حوالى نص كوب +واحد كوب للقلي +ملعقه او حسب المذاع الي اتحبينه بهار السمبوسه +1فلفل اخضر حار طازج حسب الطلب . انا ما حطيت


طريقة تحضير العجينه :
اخلطي المقادير كلها جيدا وضعيها في الثلاجه لمدة 15 دقيقه
بعد ذالك بندأ في تجهيز الحشوه

الحشوة :
ناخذ البطاطس المسلوق مسبقا ونهرسه جيدا ثم نضع عليه البقل او البقدونس والبهار والملج
ونحمر البصل شوي مو وااايد ونحطه في الخلطه والماش ونحرك كل الخليط جيدا وتركه جانبا


العجينه بعد العجن


نبدأ في تتكوير العجينه وتحويرها نفردها ونخلي شوي دقيق عشان ما تلتصق وحنا نحورها في المحور
لحد ما تصير رقيقه بس محاسب ما تصير فيها شقوق عشان ما تنزل منها الحشوه


نقدر انسويها مثلث او نص دائره بسكين مثلا نشيل اطراف الزايده من العجينه قبل ما نحط الحشوه
لكن انا ما سويت وخليتها على شكلها الطبيعي

وهذا بعد ما حطيت الحشوه ولفيتها
نحط الحشوه في طرف العجينه المفروده ونلف الطرف الاخر ونضغط على العجينه ونخليها في صحن جانبا لحد ما نخلص باقي العجينه

....حجم الصوره كبير (وضع الحشوه فوق العجينه )


لما نخلص كل العجينه بالحشوه نبدأ في القلي .


نسخن الزيت على نار متوسطه تقلي السمبوسه
وما نخليها تصير بنيه غامقه وتحترق . لازم لونها تصير ذهبيه اللون

نحطها في صحن التقديم وناكلها وهي ساخنه ,
وبالعافيه على قلوبكم

ان شاءلله تكون سهله واي وحده تحب السمبوسه تقدر اتسويها ترى مذاقها في رمضان غيييير
وتقدرون تخلون اي نوع من الحشوات . دجاج انا جربت مره طلعت روعه
او اي نوع من الحشوات للسمبوسه تحبونها

وللي ما تحصل عجينه السمبوسه في البلد الي تقيم فيها تقدر اتسوي هذي
العجينه وتستخدم اي نوع من الحشوات الي تحبها ..

ان شاءلله تكون سهله عليكم هالوصفه وتجربونها.. وقولوا رايكم فيها
انتظروا وصفه جديده قريبا

في انتظار ردودكم