صينية بطاطس بالصلصة ...... سهلة وسريعة

اول حاجة نقطع بصل وبطاطس حلقات (انا بحب احط بصلتين علشان بتدى طعم حلو )
وفى الصينية نحط ملعقة سمنة او زيت ونشوح البصل يادوب يتغلف بيها وبعدين نضيف عصير الطماطم وملعقة كبيرة صلصة طماطم الجاهزة ولما تغلى نضيف التوابل انا حطيت ملح وفلفل اسود ومكعب ماجى وحطيت البطاطس وزودت شوربة (ممكن اضافة ماء بدلا من الشوربة ) ولما غليت غطيتها ووطيت عليها لحد ما اكتمل سواها
ممكن بعد ماتغلى ندخلها الفرن تكمل سواها
الف هنا