بسم الله الرحمن الرحيم


المكونات:

مقدار من اللحم المفروم المعصج
طماطم مكعبات
خضره مفرومه: ((كرات - بقدونس - بصل اخضر))
بيض
قليل من الجبنه الشيدر المبشوره ((اختياري))
ملح وفلفل
عجينه سمبوسه العاديه بس ياريت تكون الطريه
اللي تحسي كأنها مدهونه زيت


وللقفل :
نعمل الغراء : دقيق وميه

الطريقه:

هنجيب شرايح السمبوسه
اولا ونضع كل شريحتين فوق بعض زي علامه الزائد



نحضر الحشو ونخلط كل المكونات مع بعض



ونضع في وسط علامه الزائد معلقه من الحشو



نبدأ نقفل الاطراف على بعض
واحده يمين وواحده من تحت وواحده شمال وواحده من فوق
لحد ما تبقى مربع
وبين كل طبقه وطبقه
حطي قليل من الغراء: ((الدقيق والميه))
عشان متفكش منك



وبعدين تتحمر في قليل من الزيت الساخن
في طاسه تيفال والنار هاديه



لحد ما تبقى دهبي غامق وتقدم بالشكل ده
مع شرايح الليمون ممكن تسبيها مربعات زي ما هيا
وممكن تقطعيها مثلثات
ومممممممم على الطعم
شوفوا كده




وده اقرب



ملوحظه شريحه السمبوسه طويله شويه
يعني احنا عايزنا تبقى قد المربع بالضبط
لما تقفلي ضلوعه عشان العجينه ماتبقاش
مكلعكه وكتيره على الحشو
عشان كده انا قطعت من طولها تقريبا الربع

تفتكروا هنعمل ايه بالزوايد ده
طبعا مش هنرميها هنعمل منها حاجه حلوه

هنجيب بقيت العجين اللي هو شبه المربع
اللي قطعناه في الاول وهنقطعه مثلثات
ونفرطهم كده



هنقليهم في زيت غزير ومش سخن اوي



نطلعم لما يتحمروا على ورق نشاف



وناخد جزء ونرش عليه سكر بودر



وجزء نرش عليه شربات



وبقه عندك مقرمشات حلوه سريييييييعه من بواقي العجينه




يارب يكون المطبق والحلو بتاعه عجبكم