خبزة الجنوب

[شهود]

السلام عليكم ورحمة الله وبركاته

صباح \مساء الخيرات
منقول
موضوعي هوخبزة الجنوب

واناامن محبي الاكلات الجنوبيه لفائدته وقيمتها الغذائيه


مقادير وصفتي
انااسويت بس شوي بس اللي يبي كثير يضاعف الكميه

-

ملعقة خميرة فوريه صغيره

ملعقة سكر وربع ملعقة ملح

2ملعقة ك حليب جاف وكاس مويه ممكن نزيد مويه اذااحتاج الامر

نخلط المقادير مع بعض بالخلاط حتى تذوب الخميرة والسكر

هنااحط عالخليط السابق نص كوب دقيق ابيض فقط ونخلط

وهنا كوب ونص دقيق دبي هومن انواع البر بس شوي فاتح وهواللي ينفع للخبز تنتفش اكثر من البر العادي نجيب دقيق دبي من الطاحونه قولي بس ابي دقيق دبي وخليه يطحنه ناعم

* إذا ماتوفر عندكِ أخلطي بٌر مع أبيض

وهنا بديت اعجن واعجن حتى تتماسك العجينه مع بعض العجن باليد كمان حلو

وهنا بديت اعجن باليد ادخل الهواء فيها

شوفن قوام العجينه متماسكه اخليها ترتاح 10د واعجنها بيدي بس 3مرات واجمعها مع بعض

هنا غطيتها بجلاد لاني ابيها تخمر بدري شوفن كيف الهواء داخل العجينه بالونه ههه

هنا العجينه جاهزة اداصارت معك كذا تكون ممتااااااااازه
بنات ماتلاحظون مااعرف اشرح طول عمري كسلانه بمادة التعبير هههههه

نبدء بالموهم نحضر صينيه تيفال عاد بلافلسفه وتجبون غير التيفال خخخخخ

لازم تيفال واصلي ندخل الصينييه في الفرن وهوحار ونخلي الصينييه تسخن جيدا

نحضر السمسم وحبة البركه لرش الوجه

اخذ عجينه بحجم البرتقاله وامدالعجينه على شكل مستطيل في صحن

لمانتهي من مد العجين نفتح الفرن والصينييه تكون في حافة الفرن ونمد الخبيزات فيها ونرش الوجه
سمسم وحبة البركه ونرجع الصينيه يكون الفرن مشغل من اسفل فقط

هنا الخبز بدء ينتفش اشوف من تحت لاتحمر شوي اطفي اللي تحت واشغل اللي فوق

هنا شكل الخبز وهو متحمر ومقرمش
والريحه ياسلام

طبعا قدمته معه فول اهل الزلفي ليه سميته فول الزلفي لانا طريقتهم تعجبني الله
يذكرها بالخير جارتنا ام برجس دايم تفطرنا منه

وهنا حطيت مع الفول دقة اهل الطايف من جارتنا ام عبدالرحمن
طبعا لازم مع الخبزة يقدم اللبن والعسل والسمن لكي يضرب الكلسترول معك