السلام عليكم ورحمة الله وبركاته
اللهم صل على محمد وعلى آله وصحبه أجمعين

عريكة التمر


المقاديـــــــر:


ا كاس دقيق ابيض
1 كاس دقيق اسمر
1 كاس تمر بدون نوى سكري ويكون لين
2 كاس ماء دافئ
الكاسات تكون نفس المقاس
نص ملعقه كبيرة ملح

الطريقه:
اخلطي الدقيق بنوعيه والمويه كلها والملح مع بعض


بالمضرب تصير تقريبا مثل قوام الكيك
لما تصير كذا مايحتاج ترتاح


هاتي طاوه وحطي الخليط عليها وحطيها على نادر هادئه


واذا حابه تحطيها بالفرن حطيها بصينيه وافتحي النار عليها من فوق ومن تحت طبعا النار تكون هادئه مره

غطي عليها واتركيها وشوفيها من تحت اذا حمرت وصارت كذا


اقلبيها عالجهه الثانيه


ونفس الشي انتظريها لما تحمر

اذا حمرت جيبي صحن وحطيها عليه
اذا كانت قشرتها قاسيه شيليها واذا كانت لينه اتركيها
بس أنا احب أنزع القشرة


حطي نصف مقدار التمر واعجنيها بيدك


طبعا البسي قفازات وغلفي القفاز بكيس اوسفرة لاانها تكون حارة واعجنيها مزبوط لأنها لو بردت مابتنعركلك

بعدين حطي التمر الباقي واعركي تمام


حطيها بالحافظه
وصبي عليها السمن ((الرضيفه))
<<<طريقة عملها
خذي نص اصبع زبده وذوبيها وحمي حجره عالنار لما تحمى قلبيها في دقيق وحطيها عالزبده حركي زين وزودي دقيق لما تثقل شوي
حطي فنجان لبن وقلبيها شوي بس.