خياطة ستارة ملس ان شاء الله حنعرف مع بعض طريقتها وانواع اخرى لام حبيبة
السلام عليكم
اليوم ان شاء الله بدات دورة تفصيل الستاير و دلوقت حعرض لكم الستاير اللى عملتها و ان شاء الله اى موديل حتقدروا تنفذوه ما دام عرفتم طريقة عمل الفستونة اللى هى الد رابية
و طبعا انا صورت لكم الطريقة فيديو و بامر الله حنزلها اثناء الدورة و ان شاء الله تستفيدوا منها و اى سؤال انا فى الخدمة
و الدورة دى بدات
وده لعدة اسباب
اولا.......التوفير
اى واحده ممكن تستفيد و توفر حق المصنعية
ثانيا
الموضوع من باب الخير بمعنى انى عزمت بينى و بين نفسى و اقسمت بالله انى لما اعرف اعمل الستاير اعلم البنات فى المنتدى و بدون اى مقابل
ثالثا
ممكن تستفاد اى اخت ارملة او يتيمة و تتعلم و يكون مصدر رزق لها
رابعا
اى عروسة ممكن تفصل لنفسها و توفرعبء الستاير عن ولى امرها
بس ياريت اى واحده تتعلم و تستفيد ما تبخلش على غيرها باى معلومة ولو بسيطة زى ما حصل معايا و ده من ضمن الاسباب اللى خلتنى اعمل الدورة دى
و طبعا ما تنسونيش بدعوة بظهر الغيب باخ او اخت لحبيبة لعل الله يستجيب لدعواتكم
و نبدأ دورتنا ان شاء الله
و قبل العمل فيها نقول
دعاء اخلاص النية "اللهم اجعل أعمالي كلها صالحة و لوجهك الكريم خالصة و لا تجعل للناس منها شيئا ولا للشيطان منها نصيبا و تقبلها ربنا بقبول حسن
اللهم امين
دى ستارة ملس ان شاء الله حنعرف مع بعض طريقتها
و هنا لما حطينا عليها برقع شيفون مشجر ان شاء الله حنعرف طريقته برده
و دى كنت عملتها قبل كده و نقلتها للسفرة ان شاء الله اشرح الطريقة
و دى عملتها للانتريه بالابلاكاج و الطريقة حشرحها بالتفصيل الممل
و عايزه رايكم عشان نبدأ ان شاء اللهاولا نبدأ بشرح الستارة الملس
فوق السرير حطيت ماسورة عرض 3 مت و اخدت 4 و نص متر قماش شيفون سادة و ده الباترون
حنقسم القماشة على انصاف امتار و كل نص متر نركب شريط شد
و ده شكل الشريط اللى بيتعمل للستارة دى
الشريط التانى الكنز هو اللى حنستخدمه
و دلوقت اوريكم طريقة تقسيم القماش انصاف امتار بالتساوى
بعد ما نقيس مسافة نص متر من حرف القماشة حنسحب بالابرة خيط النسيج بالشكل ده
و طبعا كل الستارة حتتعمل بنفس الشكل
رد: خياطة ستارة ملس ان شاء الله حنعرف مع بعض طريقتها وانواع اخرى لام حبيبة
دلوقت حنشوف مع بعض البرقع اللى على الستارة الملس و هو شيفون مشجر
اولا حنشرح طريقة قص القماش
زى ما قلنا الماسورة عندى على السرير 3 م
حنجيب قماش ضعف المساحة يعنى نضرب طول الماسورة فى 2
3 * 2 = 6 متر
و للكشكشة الكتير بنضرب فى 3 بس انا بفضل الكشكشة تكون وسط و كل واحدة و زوقها
حنتنى القماش على 2 يعنى حيكون الطول 3 م
و نفرده على اى حاجة كبيرة عشان نقدر نقص انا عن نفسى بفرده على الارض عشان اقدر اتحكم كويس
نعمل رسمة زى اللى موجوده فى الباترون اللى متحدده بالون الازرق و نقص حيكون الشكل بعد ما نقص و نفرد القماش كده
حنركب عليه من فوق شريط الستاير العريض فيه منه رسمة عش النمل و فيه البليسية اللى تحبيه هاتيه
و حنجيب قماش شيفون ساده لونه ملائم للون البرقع و نعمله كورنيش من تحت
انا حطيت اللون الزيتى
و بنقسم القماش اللى حنعمله كشكشة شرايط 18 سم و نوصل الشرايط ببعض و نسرفلها او نتنيها من الجانبين و نركبها على شكل كسرات على القماش المشجر من تحت زى الصورة كده
شايفين الجزء اللى لونه موف ده اللى حيتبقى من قص البرقع المشجر
طبعا مش حنهدره لا احنا حنعمله برقع تانى بس رسمته حتكون اللى طلعت لنا بعد قص البرقع الاول مش حنعمل فيها حاجة
لاحظو انه حيقل فى الطول و العرض
طوله حيبقى 4 متر يعنى ينفع يتعمل لماسورة 2 متر على الاكتر
سامحونى لسه جديده فى موضوع الرسم ببرامج الكمبيوتر بس ان شاء الله يكون الشرح واضح
اى سؤال او استفسار انا فى الخدمة
و ان شاء الله الدرس القادم حيكون شرح البرقع ده
و فى انتظاركم و انتظار استفساراتكم و الله من وراء القصد
رد: خياطة ستارة ملس ان شاء الله حنعرف مع بعض طريقتها وانواع اخرى لام حبيبة
و رجعت لكم تانى
نبدا فى شرح البرقع ده
حنقيس محيط الماسورة قد ايه و نزود 2 سم للخياطة و نقيس طول الماسورة هنا طولها 2 و نص متر
يعنى لو محيط الماسورة 10 سم + 2 سم للخياطة = 12سم
نقص قطعة قماش مستطيلة عرضها 12سم و طولها 2 ونص متر ( الطول و العرض بيرجع لمقاساتك انتى فيه ماسورة محيطها كبير و ماسورة رفيعة )
نخيط القطعة دى و نخلى الخياطة على الحرف و اوعى تخيطى الجناب عشان الماسورة حندخلها فيها و الرسمة دى حتوضح
نيجى بقى للفستونة
حنجيب قماشة طولها متر و نص يعنى 150 سم
و نتنيها على 2
و ندخل من ناحية الحرف مش من ناحية الجنب المتنى خدى بالك
ندخل من احية تلاقى الحرفين مسافة 25 سم و نعمل خط مايل لغاية تحت زى اللى فى الباترون لونة نبيتى
و بعد ما نعمل الخط المايل نطلع من تحت مسافة 15 سم و نعمل حردة الدوران زى الصورة كده بالظبط
و نحدد مكان الكسرات يعنى نقيس الخط المايل طوله قد ايه و نحدد حنعمل كام كسرة و نقسم طول الخط على عدد الكسرات
متلا الخط المايل عمل 120 سم و حنعمل 6 كسرات يبقى
120 / 6 = 20 سم يبقى ده حجم الكسرة
بعد ما ناخد المقاسات و نقص حيبقى بالشكل ده بعد ما نفردها
رد: خياطة ستارة ملس ان شاء الله حنعرف مع بعض طريقتها وانواع اخرى لام حبيبة
نبدا فى شرح البرقع ده
حنقيس محيط الماسورة قد ايه و نزود 2 سم للخياطة و نقيس طول الماسورة هنا طولها 2 و نص متر
يعنى لو محيط الماسورة 10 سم + 2 سم للخياطة = 12سم
نقص قطعة قماش مستطيلة عرضها 12سم و طولها 2 ونص متر ( الطول و العرض بيرجع لمقاساتك انتى فيه ماسورة محيطها كبير و ماسورة رفيعة )
نخيط القطعة دى و نخلى الخياطة على الحرف و اوعى تخيطى الجناب عشان الماسورة حندخلها فيها و الرسمة دى حتوضح
نيجى بقى للفستونة
حنجيب قماشة طولها متر و نص يعنى 150 سم
و نتنيها على 2
و ندخل من ناحية الحرف مش من ناحية الجنب المتنى خدى بالك
ندخل من احية تلاقى الحرفين مسافة 25 سم و نعمل خط مايل لغاية تحت زى اللى فى الباترون لونة نبيتى
و بعد ما نعمل الخط المايل نطلع من تحت مسافة 15 سم و نعمل حردة الدوران زى الصورة كده بالظبط
و نحدد مكان الكسرات يعنى نقيس الخط المايل طوله قد ايه و نحدد حنعمل كام كسرة و نقسم طول الخط على عدد الكسرات
متلا الخط المايل عمل 120 سم و حنعمل 6 كسرات يبقى
120 / 6 = 20 سم يبقى ده حجم الكسرة
بعد ما ناخد المقاسات و نقص حيبقى بالشكل ده بعد ما نفردها
بنات لسه ما كملتش ان شاء الله لى عوده انتظروا باقى شرح الفستونة و الطريقة بالفيديو
و رجعت تانى
هنا احنا بعد ما خلصنا قص الفستونة عملناها على كسرات
بس الموبايل مش جايب الشكل كامل المهم ان الشكل اللى قدامكم ده الحرف اللى علمنا عليه فى البترون و كتبنا عليه ماكان الكسرات هو ده و طبعا الحرف التانى كده برده لاننا زى ما قلنا تنينا القماشة المقصوصة كسرات
حنكوى الجزء ده بس اوعوا تكووها كلها حيبقى شكلها لما تتعمل مش حلو حنفردها تانى و نروح على ماكينة الخياطة و نركب الفرنشة علىى الجزء الدائرى
حنحط طرابيزة مكوة عشان نعرف نشتغل عليها
و نلم القماش بعد ما ركبنا عليه الفرنشة و نرجعه على شكل كسرات تانى
و نحطه و هو بالشكل ده على طرابيزة المكوة
و نحط على الحرفين حاجة تقيلة عشان القماش ما يهربش
بعد التثبيت ده نشيل بالراحة واحده من الحاجات التقيلة اللى ثبتنا بيها و نخلى التانية و نبدأ نحط الكسرات بالشكل ده
معلش الموبايل كان فيه مشكلة بس الصور مش واضحة شوية اللى حيقرب الفكرة الفيديو بامر الله
هنا ثبتنا الجزء الاول بدبابيس على طرابيزة المكوة نشيل الجزء التانى التقيل القماش حيفرد معاناو نعمل نفس الموضوع
نمسك مكان الكسرة اللى كنا كاويينه و نبدا فى عمل الكسرات بالشكل اللى قدامكم
رد: خياطة ستارة ملس ان شاء الله حنعرف مع بعض طريقتها وانواع اخرى لام حبيبة
ممكن تكملوا باقي الخياطة على الرابط هذا http://forums.fatakat.com/thread759470-7 مع ام حبيبة