[you] فديتك

فديتــــك.. من هنا لآخر حدود الأرض فـي دنيـاك

فديتك كثر مـا ليلـي سـرق نومـي وغفواتـه




فديتك يا بعد كلـي وكلـي يـا عسـى يفـداك
لعمرك ارخص الدنيـا وافـوز بكـل مرضاتـه



حبيبي والعمر لجلـك وضعتـه خاتـم بيمنـاك
وربي لو تبـي دجلـه يجيـك بصحبـة فراتـه



أنا وشلي بهـا الدنيـا إلـى منـه دنـا فرقـاك
اشوف الموت بعيونـي وطيفـك بيـن سكراتـه



أحبك والخفوق اللي ذبحته هـام بـك واغـلاك
ياليتك بـس لـو لحظـه تفكـر فـي معاناتـه



احبك يا غلا قلبـي ولا همـي ياكـود رضـاك
بشوفك مجملـه وقتـي الا يـا حلـو ساعاتـه



أنا جيتك باحاسيسـي بحـبٍ مـا نمـا لـولاك
يا اغلا من سكن قلبـي يـا وقتـي يـا ملذاتـه



عسى ربي يحفظك لي من صروف الزمن يرعاك
وتبقـى عايـش بقلـبٍ هـداك أجمـل تحياتـه