بسم الله الرحمن الرحيم


انا جربت الطريقة دى تحففففففففففة وجميلة ومغذية والريحة واووووووو
الحمد لله اليكم الطريقة والمقادير والصور

المقادير
فرخة وزن كيلو مقطعة الى 8 قطع
2 كوب لبن رايب
4ملاعق مسترده
ملح
فلفل اسود
بصلة مبشورة
ملعقة شطة حمرا
2 فص توم
نص كيلو دقيق
ملعقة كبيرة بيكنج بودر
ملعقة بابريكا
ثوم بودر
بصل بودر
بهارات
نص كوب دقيق درة اصفر
ملعقة صغيرة حبهان مطحون
ماء مثلج
نشرط قطع الفراخ بالسكينة علشان التتبيلة تدخل فيها كويس وفى وعاء نضع اللبن الرايب وعليه المستردة والبصلة المبشورة والثوم المفروم والملح والفلفل والشطة الحمرا ونقلب ثم نضع الفراخ ونتركها لمدة ليلة فى التلاجة
ثم نضع الدقيق فى وعاء وعليه التوم البودر والبصل البودر والبيكنج بودر والبابريكا والحبهان والبهارات والملح والفلفل الاسود ودقيق الدرة الاصفر ونخلطهم مع بعض ثم نضع قطعة قطعة من الفراخ فيها ونضغط عليها كويس ثم نضعها فى الماء المثلج ثم فى الدقيق مرة احرى ونضغط عليها كويس جدا ثم نحمرها فى زيت غزير ساخن جدا ونتركها شوية على نار عالية ثم نوطى النار حتى تستوى ومنحطش كل الكمية مع بعض فى الزيت نضع شوية شوية علشان الزيت مايبردش وبالهنا والشفا