أهلين أخواتي .. عساكم طيبين ..
في هالموضوع راح أقدم لكم .. ملف لبعض الحلويات الرمضانية الباردة..

أول شي خليني أنبه : ممنوع الدخول أثناء النها ر وانتوا صايمات قد أعذر من أنذر

نقول بسم الله وندخل في الموضوع على طول ..




أولا : التطلي ( الكاسترد)
عاد هالحلا أنا اسميه أقدم حلا .. ومتمسكين فيه كمان ..
من زمان معروف هالحلا في رمضان .. بعد صلاة التراويح امممممممم شي
وللحين واحنا نسويه ..

المهم بعلمكم طريقتنا

المقادير:

5 كاسات موية
12 ملعقة شاهي حليب بودرة
نص كوب سكر
ملعقتين كاستر أو ملعقة ونص على حسب نوعية الكاستر

الطريقة:

نخلط الحليب البودرة مع الموية و ناخذ منه شوية في زبدية ونضيف عليه ملعقتين كاستر ونخلطه
ونضيف نص كوب سكر للباقي .. أوكى ونخليه الين يفور وينتفخ << يطلع لفوق
نصب عليه ع طول الشوية الحليب اللي أخذناه واضفنا عليه ملعقتين الكاستر .
بعدها نخلط بالمضرب الين يثقل .. ونضيف الهيل المطحون عشان النكهة ..
شوفوا شكله وهويثقل ..


بعدها نرفعه من النار ونصبه على كاسات التقديم..
يانخليها تبرد شويه ونحطها في التلاجة وتأكل باردة ويا ناكلها ساخنة كلها روعة

وهذي الصورة النهائية ..






ثانيا: طبقات الكاسترد بالجلي
وهذا طريقة لحلى بالتطلي يعني كـ ( تغير وابتكار) راح يعجبكم

نقول بسم الله

المقادير :



الطريقة:

التطلي نفس الطريقة بس نخليه يثقل أكثر أحلى ..
ونجي للحلا ..
نكسر البسكوت على كاسات التقديم



نصب التطلي .ونخليه يبرد... ونحطه في الثلاجة << مهم عشان الطبقات لا تختلط في بعض



بعد مانطلعها من الثلاجة .. نصب عليها الجلي ..

طريقة الجلي :

كاسة موية تحطينه على النار لين يغلي وتحطين عليه باكيت الجلي ..وبعدين لين يذوب وتنزلينه من النار وتحطين عليه كاس موية باردة وقطع من الثلج عشان يجمد بسرعة

انزين الحين نصب الجلي وهو لساته ماجمد ونرجع في الثلاجة عشان يجمد


بعدها نضيف الكريمة للتزين ..


وهذي صورة كمان اممممممممممممم


وإذا تبغي تضيفي ( الفروت)

بعد مانحط التطلي وندخله الثلاجة نطلعه ونحط عليه الفروت






بعدها نصب الجلي ..


ونحط الكريمة في النهاية << نفس الأول



وهذي صورته من جوا أنا آكلته << بالعافية ..
أناأفضل يكون بدون فروت كذا أحسن



وتقدرون تسون نفس هالحلا بس على صينية ..إذا ماعندكم الكاسات




ثالثا: حلى الفيمتو
هذا الحلى سهل وسريع و روعة ..



المقادير:
2علبة بسكوت شاهي
الطبقة الأولى :
علبتين قشطة
2 كيس دريم ويب
6 حبات جبن كيري

الطبقة الثانية :
نصف كأس فيمتو (المركز)
2 كوب ماء
2 كيس كريم كراميل

الطريقة:
بللي البسكويت بالحليب , ثم رصي طبقتين من البسكويت في طبق التقديم .
اخلطي مقادير الطبقة الأولى في الخلاط ثم صبيها على طبقة البسكوت , ضعيها في الثلاجة إلى أن تبرد وتتماسك .
ضعي مقادير الطبقة الثانية على النار إلى أن تقارب الغليان , دعيها تبرد قليلاً ثم صبيها فوق الطبقة الأولى و ضعيها في الفريزر لمدة ساعة قبل التقديم .
للحصول على نكهات مختلفة , استبدلي الفيمتو بالكولا أو بالسفن أب

وهذي الصورة النهائية






رابعا: الكريم كراميل

طريقة الكراميل:
حطي 1/2 كوب سكر في المقلاة وصبي عليها شوية ماء ..الماء بس علشان أنذوب السكر.
ارفعيهم علي النار وحركي بإستمرار لحد ما إيذوب السسكر تمامآ وتبدا الموية بالتبخر ويتغير لون السكر للبني الغامق.نصبه على الصينيه بالسرعة قبل لا يجمد

طريقة الكريمة:


المقادير:

10 حبات بيض
6 كاسات موية
818 ملعقة حليب شاهي بودرة
كاسة سكر

الطريقة:
نغلي الحليب ( الموية+ الحليب بودرة = السكر)
نخليه يصيردافي لابارد وايد ولا ساخن وايد ..

نضيف البيض وحدة تلوا الأخرة بالتدرج واحنا نخلط بالمضرب الكهربائي



نضيف قليل من الفانيلا .. ونخلط ..

نصبه على الكراميل( السكر المحروق )

ونحطه على حمام مائي ( نجيب صينية ونصب عليها موية ونحط صينية الكريمة عليها )


وندخله الفرن لحد مايستوي << ترى يطول أكثر من ساعة






نطلعه من الفرن نخليه يبرد ونقلبه على صحن التقديم<< انتبيهي تقلبيه وهو ساكن حينكسر
وهذي الصور النهائية


ماشاءالله












عاد أنا أمووووووت على الكريم كراميل عشان كذا نزلت 3 صور

تمـ بحمدلله أتمنى إن موضوعي يعجبكم .. وأشوف تطبيقاتكم











lgt gfuq hgpg,dhj hgvlqhkdm hgfhv]m>>2012 hgfhv]m>>2012 hgpg,dhj