طبعا كلنا بنعمل الجلاش باللحمه المفرومه
انا النهارده عملته بطريقه جديده يا رب تعجبكم

اول حاجه انا عصجت اللحمه ببصله مفرومه وحبتين فلفل اخضر
وملح وفلفل وكمون وملعقه صغيره صلصه



وبعدين فردت راقه من الرقاق ودهنتها زبده وحطيت راقه تانيه ودهنتها وحطيت الثالثه


وبعد كده حطيت الحمه المفرومه على حافيه الرقاق



وحطيت عليها جبنه موزداريلا مبشوره وده اختيارى



وبعدين لفيت الجلاشه رول واضغط عليها وانا بالف عشان تبقى متماسكه


وقطعتها ورصيتها فى صينيه مدهونه زبده بسيط
وده شكلها


وبعدين جبت كوب حليب مع شويه فلفل وسقيت بيه الجلاش
ورشيت الوش بجبنه موزداريلا مبشوره

وممكن بدل الجبنه نضرب بيضه وندهن بيها وش الجلاش




وحطيتها بالفرن تستوى وده لما خرجت من الفرن


ودى شكلها لما بردت شويه وطلعت منها


دى احسن بقى انها مش بتحتاج تقطيع ولا اللحمه تقع منها ولا شئ
وشوفى الجبنه جواها عامله ازاى و مقرمش من بره وطرى من جوه




يا رب تكون عجبتكم


hg[gha hgv,g fhggpli hgltv,li hg[gha hgv,l