السلام عليكم يا اشطر ستااات
كل سنه وانتم طيبين بمناسبه عيد الاضحي ويارب يحقق امنيات ودعوات كل واحده ياارب
وطبعا ده عيد اللحمه يا بنات بس برضه ميمنعش نعمل حلويات عشان نحس بفرحه العييد
وجايبه لكو النهارده بيتي فور رووووووووووعه ما شاء الله كال اللي يدوقه من صحباتي يقوللي احلي م الجاهز
نبدا بسم الله المقادير : _ 2 كوب زبده لينه ( يعني تسيبيها بره التلاجه قبل ما تبداي ب نص ساعه او لو عندك مايكروويف حطيها ثواني) _ 1 كوب سكر بودره منخول _ 2 بيضه والفانيليا بتاعتهم _ 4 الا ربع كوب دقيق ( ولو عايزاه شوكلت شيلي ربع وحطي بداله كاكاو ) بس كده شوفتي مقاديره سهله ازاي
_ هتجيبي وعاء عميق حطي الزبده والسكر البودره وشغلي مضرب الكهربا لحد ما يتجانسوا كويس
_ حطي ال2 بيضه والفانيليا وشغلي تاني ثواني وشيلي خلاص المضرب
_ واخيرا حطي الدقيق كله وقلبي بقه بايدك الحلوه دي كويييييييييييس اوي هتلاقي العجينه بتلزق اووووووي ف الايد عاااااااادي جدا لازم كدهتبقي لينه اووووي
_ الحلو اوي بقي ف العجينه دي انها تنفع لكيس التزيين ولماكينه تشكيل البيتي فور يعني معندكيييش حجه بصي يا ستي لو هتعملي بالكيس او القمع اشتغلي ف العجينه علي طووول اما لو عندك الماكينه لازم تسيبي العجينه ترتاح نص ساعه ع الاقل عشان تعرفي تشكلي بيها
بتشكلي العجينه ف صواني قصيره الحافه والفرن تولعي قبل دخول اول صينيه ب 10 دقايق وبكون علي 190 يعني لا واطي ولا حامي يكون وسط وبياخد 12 - 15 دقيقه بالظبط
_ لما يبرد خالص اجشي مربي او شوكولاته سايحه زيي بيطلع تحفه وزيني كمان من فوق علي ذوقك وتحفظي ف علب بلاستيك او معدن محكمه الغلق وبالف هنا وشفا وده شكله النهائي


[