قراقيش العيد سوخنه مولعه من الفرن وعلطول لفتكات




السلاااااااااام عليكم

كل سنه ونتم طيبين وعيد سعيد عليكم

الاول كدا نقول خير دعاء يوم عرفه

لا اله الا الله وحده لا شريك له له الملك وله الحمد يحيي ويميت وهو علي كل شئ قدير

ربنا يتقبل منا يارب

ومننساش دعي فالساعه اللي قبل المغرب اللي رب العزه بيتنزل فيها ويباهي بالحجاج الملائكه

ياااااارب اكتبلنا حج بيتك الحرام

ندخل عالمقادير

2 كيلودقيق
3\4 كيلو سمن اميره
ربع كوب قشطه
قطعه خميره في حجم البيض تدوبيها في نص كبايه ميه دافيه مع معلقه سكر كبيره
من نص كيلو لكيلو لبن حسب حاجه العجين

بجنيه سمسم حطي نصو فالعجين ونصو للو ش
بيضه ضيفي عليها معلقه نسكافيه مدوبه في معلقه ميه دافيه لدهن الوش


الطريقه
اقدحي السمن وانخلي الدقيق وحطي عليه السمسم وطشي السمن عالدقيق

وافضلي بسي لحد مالدقيق يشرب كل السمن

وضيفي القشطه ولخميره واللبن واعجني

قطعيها زي متحبي
ونا استخدمت قطاعات علي شكل قطايف وحشيتها عجوه

والقطاعه بتخلي العجوه تفضل طريه وجميله
انا بوتجازي كريازي 5شعله

حطيها علي اول رف خاااالص لمده عشرين دقيقه

وبعدين حطيتها علي اخر رف خاالص وفتحت الشويه

كلو علي درجه حراره 200


الف هنااااااااا