السلام عليكم ورحمة الله وبركاتة
انا عملت بسكوت بالعجوة قولت أوريهولكو
يااارب يعجبكو
وخصوصا انى مش شاطرة اووى
بس بقول يالااهو نص العمى
ومش عايزة حد يعايب
أدى البسكوت



نقول المقادير
1ـ3كوبدقيق2ـ3/4كوب سكر ناعم3ـ1كوب سمنهاوزبده4ـ2بيضه5ـفانيليا6ـ1/2 ملعقه صغيره بيكنجبودر
نحط الزبدة على السكرالبودرة ونضربهم كويس بالمضرب
لحد ما يكونو عاملين زى الكريمة
وبعدين نحط البيض والفانليا ونضرب كويس
ونخلط البيكنج بودرمع الدقيق وبعدين نضيفهم على الخليط اللى عملناة
ونلم العجينة لحد ما تكون عجينة طرية ماتلزقش فى الايد
ولو طلعت ناشفة شوية ممكن تحطى شوية عصير برتقان او شوية
فانتا لو عندك وكمان بتدية نكهة حلوة اووى
بعد كدة ناخد حتة عجينة صغيرة وندورها ونحط جواها العجوة
ونقفل عليها ونرصهم فى صنية بيهم مسافة عشان بيزيدو فى الفرن
وطبعا ما ندهنش الصنية سمنةولا اى حاجة
ونسخن الفرن وبعدين نهدية ونسوى البسكوت على نار هادية
ونطلعة ونسيبة فى الصنية لحد ما يبرد بس كدة

وعملت شوية من بسكو عمرنا
ربنا يخليهالنا



يااارب يعجبكو
أسألكن من صالح دعواتكن
لا تنسون التقييم
أحبكن فى الله