بسكوت ببشر البرتقال بالصور عمايل ايديا وحياة عنيا

منقول
ازيكم يا احلى فتوكات

اسكتو احسن انا تعبت قوى النهاردة عملت بسكوت اه والله

هقولكم بالصور والتفصيل الممل ( على فكرة سهل جدا ومكوناته موجودة فى كل بيت )

بسم الله

أولا المقادير : 2 كوب دقيق 3/4 كوب سكر 3/4 كوب زبد او 2/3 كوب سمن
بيضة م ص بشر برتقان ( وممكن يستبدل بالليمون) م ص بيكنج بادور.

الطريقة بقى:

نحط السمنة او الزيدة مع السكر فى اناء عميق ويدعك جيدا , ثم
يضاف البيض حتى يصير الخليط هشا وخفيفا.
ننخل الدقيق مع البيكنج باودر ونحط عليه بشر البرتقان


نعجن لحد ما نحصل على عجينة متماسكة ( بالايد يفرك فرك) مكتوب كدة فى الكتاب مش انا اللى مألفاها وربنا يعنى بلاش المضرب يا كسلانة منك ليها ( انا مليش دعوة مكتوب فى الكتاب ).


نفرد بالنشابة بسمك 1/4 سم ونقطعهم اشكال بقى زى ماحنا عاوزين.
نجيب صينية وندهنها خفيف خفيف بالسمن او الزيت ونحط البسكوت.



ندهن الوش بياض بيضة او عصير برتقان او فانتا ونرش سكر سنترفيش.



توضع فى فرن فى درجة حرارة متوسطة لمدة ربع ساعة او على حسب ما يحمر.
و على فكرة اتلسعت فى لسانى عشان كنت مسروعة عاوزة ادوقه لانه لو وحش مكنتش حنزله بس طلع طعمه جميل ويمى خالص ادى النتيجة تا تاتا تااااااااااااااااااا.



ايه رأيكم بقى استاهل دعوة حلوة ولا لأ ؟؟؟؟؟؟