بسكويت بالماكينه
المقادير


5 كوب دقيق
1 كوب سمنة
1 كوب زبدة
1/2 1 كوب سكر بودرة
4 بيضة
1/4 معلقة صغيرة بيكنج بودر
فانيليا

الطريقة

اول حاجة نضرب السمنة مع الزبدة
لحد ما تبقى عاملة زى الكريمة
ومتسيحيش السمنة ولا الزبدة
تسبيها بحرارة المطبخ زى كدة



بعد كدة نضع عليها السكر البودرة
السكر تعملى مقدارة بعد ما تطحنيه بودر
ولازم تنخليه بالمنخل او مصفى عشان ميكلكعش



وتضربى كويس لحد ما يختلط بالزبدة
بعد كدة نحط البيض ومعاه طبعا الفانيليا



ونكمل عجن لحد ما المقادير تختلط ببعض
بعد كدة هنحط الدقيق والبيكنج بودر
وطبعا هتكونى نخلاهم بردوا
ومتحطيش الدقيق كله مرة واحدة
لما تشوفى العجينة معاكى



هتغطى العجينة بفوطة نضيفة
وسبيها على جمب لحد ما تلمى اثار المعركة
وتنضفى مطبخك وتجهزى مكنتك وصوانيك وفرنك
ونبدا نشتغل



هتثبتى المكنة فاى تربيزة عندك وتشتغلى
ودة شكله وهو فى الصينية
انا بحب اعمله صغير مبحبش المقاس الكبير
بيبقى شكلة احلى وزى ما تحبى طبعا



هتدخليه الفرن
وخلى بالك لان مبيخدش وقت طويل
عينك عليه علطول
نسيت اقلكو فى حتة عجينة بتتبقى فى اخر المكنة
هى حتة صغيرةمترمهاش انا حطيت عليها
شوية جوز هند
وعملتها بالقمع وحطيت عليها حتة شيكولاتة

ودة بقى بعد ما طلع من الفرن
بيبقى مقرمش وهش ولذيذ
بجد لو جربتوه هيعجبكو قوى
وبالهنا والشفا










انتظرونى مع باقى حلويات العيد