أزيكو يافتوكات ياحلوين أتأخرت عليكو شوية بس معلش سامحونى ظروف التحضير لرمضان شغلتنى عنكم كل سنة وانتم طيبين وبخير وتقبل الله منا ومنكم الصيام والقيام وصالح الاعمال أنا جيبالكو أجمل أنواع البسكوت بس على مرحلتين بمناسبة شهر رمضان المبارك والعيد علشان اللى عاوزة تعمل وتحلى فى رمضان أو اللى عاوزة تعمل للعيد ويبقى جاهز معاها المقادير من دلوقتى



وده لينكات لبعض الحلويات اللى هتكمل المهرجان اللذيذ بتاعنا علشان يبقى ملف كامل ليكى تقدرى ترجعيله فى اى لحظة



اولا لينك :أطعم وألذ بيتى فور هيدوب فى بوقك من أول قطمة بالشيكولاتة والجوز الهند

ثانيا لينك :أنعم و أطعم و ألذ غريبة بطريقة سهلة وبسيطة بالصور من مطبخى

أولا : بسكوت السابليه بالمربى والشيكولاتة

المقادير :

3 كوب دقيق
1 كوب زبدة
ذرة ملح
3/4 كوب سكر بودرة
2 بيضة
2/1 ملعقة كبيرة بيكنج بودر
1 ملعقة صغيرة فانيلا
2 كوب شيكولاتة سايحة أو سكر بودرة
2 كوب مربى مشمش

طريقة التحضير :
يضرب الزبدة مع السكر حتى تصبح كالثلج ثم نضع البيض ونضرب مرة أخرى حتى يرتفع وننخل الدقيق مع البيكنج بودر مع الدقيق ونصبه على الخليط السابق ونعجن حتى تصبح عجينة متماسكة نفرد العجينة على الرخام ونقطع بكوب أو بالقطاعة دائرى ونقسم العجينة نصفها نفتحه من الداخل بغطاء زجاجة حاجة ساقعة بلاستيك والأخر نتركه بدون فتحه من الداخل ونعضهم على الصاجات بعد دهنها بالزيت جيدا أو السمن وندخله الفرن بالدرجة السابقة وهى 160 درجة حتى يحمر الوجه ونخرجه من الفرن ونتركه يبرد نسيح الشيكولاتة والبسكوت المفتوح من الداخل نغطى وجهه بالشيكولاتة ونتركه فى الهواء حتى تجف الشيكولاتة ثم نحضر المربى ونأتى بالنصف الأخر من البسكوت ونضع فى الوسط المربى ثم نضع عليه البسكوت المغلف بالشيكولاتة ونرصه فى طبق التقديم كما هو واضح فى الصورة المقدمة وبالهنا والشفا .

ودى بقى الصور :






ثانيا بسكويت السمسم وده طريقته سهلة اوى تعالوا نشوف:

المقادير :

2 كوب دقيق
2/1 كوب سكر بودرة
2 ملعقة كبيرة سمن أو زبدة
ملعقة صغيرة فانيلا
2 بيضة
1 كوب سمسم
2/1 ملعقة صغيرة بيكنج بودر

طريقة التحضير :

نضرب الزبدة مع السكر مع البيض حتى يرتفع قليلا ثم ننخل الدقيق مع البيكنج بودر والفانيلا ونصبه على المقدار السابف ونعجن ثم ندهن الصاج بالسمن ونفرد العجينة عليه ونضع على الوجه السمسم وندوس باليد حتى يمسك السمسم فى العجين ثم ندخله الفرن حتى يحمر الوجه وبعد خروجها مباشرة من الفرن نقطها بالسكين وهى طرية فبل أن تجف مربعات أو أى شكل تحبيه ثم ترص فى طبق التفديم وبالهنا والشفا .

والصور:








ثالثا بقى والبسكويت ده ناس كتير بتحبه لانهم بيحبوا القرفة والجنزبيل غير كمان انه من
البسكويتات الصحية والمفيدة:

اولا بسكويت القرفة :

المقادير:
2 بيضة
1 كوب سمن او زبدة
2/1 كوب سكر بودرة
فانيلا
2/1 ملعقة صغيرة بيكنج بودر
الدقيق حسب الطلب حتى نحصل على عجينة متماسكة
2 ملعقة قرفة صغيرة
ذرة ملح

طريقة التحضير :
يضرب السمن مع السكر مع البيض حتى ينفش ثم نضع الفانيلا ثم ننخل الدقيق مع البيكنج بودر مع القرفة وذرة الملح ونصب على المقدار السابق ونعجن حتى تصبح عجينة متماسكة وندهن الصاجات بالسمن او الزيت نفرد العجين على الرخام بسمك 2سم ونقطع بقطاعة البسكوت ونرص العجين على الصاج وندخله الفرن على درجة 170 درجة حتى يحمر الوجه ونرصه فى طبق التقديم وبالهنا والشفا .
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
بسكويت الزنجبيل :
نفس مقادير بسكوت القرفة بس بدل القرفة نضع زنجبيل حوالى 2ملعقة صغيرة وبالهنا والشفا .


ودى صور النوعين مع بعضهم:







والبقية تأتى ان شاء الله مع بسكوت النشادر واللانكشير وبسكوت الشيكولاتة (الكوكيز )


وبألف هنا وشفا وأتمنى يكون الملف واضح وكل شئ سهل وبسيط و أعرف رأيكم فى

البسكوت بصراحة ولا تنسوننى بالدعاء