معجبى الشيف حسن قلت اشارك بشويه حاجات للعيد كنت منزلاها
اولا البيتيفور لانى بحبه


بتيفور



250 ج ذبدة – 75 ج (3/4 كوب)سكر بودرة – 2 بياض بيض - 325 ج دقيق(2 كوب )
– م ص فانيليا
الطريقة
نضع فى الخلاط الذبدة والسكر ونضربهم 5 د على السرعه الثانية لحد ما يتجانسوا وبعدين نذود السرعه ثم نضع بياض البيض واحدة واحدة مع الفانيليا ثم نضع الدقيق على العجينة لحد ماتتكون العجينة ندهن صينية بذبدة خفيفة قوى ثم نعمل بالكيس والقمع وردات واذا كنا حنضع فى الوردة مربى يبقى نضع طرف صباعنا فى الدقيق ونضغط بصابعنا فى منتصف الوردة ثم نضع مربى وندخله الفرن على د 170 لمدة 25 د وممكن بعد مايطلع نضع فى المنتصف ش بيضاء سايحة او دارك
ثانيا بسكوت النشادر


250 ج ذبدة – 250 ج سكر بودرة – م ك نشادر – 1/2 كوب حليب – 1/2 ك دقيق - 1/4 باكو فانيليا – 1/4 باكو بيكنج بودر
الطريقة
نضع فى الخلاط الذبدة والسكر ونضربهم 5 د على السرعه الثانية لحد ما يتجانسوا وبعدين نذود السرعه ونضع البيض بيضة بيضة مع الفانيليا ثم نزوب النشادر فى الحليب ثم نضيفة بالراحه خالص خالص ثم نضع البيكنج بودر على الدقيق واخيرا نضعه على العجينة لحد ماتتكون العجينة ندهن صينية بذبدة خفيفة قوى ثم نعمل بالكيس والقمع اصابع البسكوت بالطول المرغوب وندخله الفرن على د 170 لمدة 25 د
كحك العيد


كيلو دقيق – 1/2 ك سمن سايح – 15 ج ريحة كحك(م ك ) – 20 ج سكر (م ك ) – باكو بيكنج بودر – 5 ج ملح (م ص ) – 200 ج حليب ( كوب )
الطريقة
نضع الدقيق فى الخلاط والملح والسكر والبيكنج بودر ونشغله على السرعه الاولى وبعدين نعلية لحد ما تتكون عندنا العجينة واذا لقيتلى العجينة مفرولة ومش راضية تتلم معاكى يبقى تزودى حليب واحدة واحدة لحد ما تتكون العجينة وبعدين تشيلى العجينة وتضعيها فى طبق تريح لمدة 10 د وبعدين ناخد قطع صغيرة من العجينة ونكورها ونضعها فى الصينية ونبططها سنة بايدنا وبعدين ننقشها بالمنقاش او نعمل الوش باللبصمه المخصوص وبعدين ندخلة فرن متوسط الحرارةالكحك بالعجوة



عجينة الكحك – 200 ج عجوة – 50 ج زبدة
الطريقة
نهرس العجوة والزبدة مع بعض بالشوكة لحد ماتطرى وبعدين نعملها كور صغيرة قد البندقة
نفس طريقة الكحك لحد ما ناخد قطع صغيرة من العجينة ونكورها ونعمل بصابعنا داخلها فراغ ونضع قطعه العجوة وبعدين نكورها تانى ونضعها فى الصينية ونبططها سنة بايدنا وبعدين ننقشها بالمنقاش او نعمل الوش باللبصمه المخصوص وبعدين ندخلة فرن متوسط الحرارةلكحك بعين الجمل او الفستق




عجينة الكحك - عين جمل – فستق – عسل نحل
الطريقة
نكسر عين الجمل قطع صغيرة وبعدين نضعه فى طبق وعليه شوية عسل نحل ونقلبهم مع بعض ثم ناخد قطع صغيرة من العجينة ونكورها ونعمل بصابعنا داخلها فراغ ونضع قطعه البندق بالعسل وبعدين نكورها تانى ونضعها فى الصينية ونبططها سنة بايدنا وبعدين ننقشها بالمنقاش او نعمل الوش باللبصمه المخصوص وبعدين ندخلة فرن متوسط الحرارة المعمول



750 ج سمولينا خشنة – 250 ج سمولينا ناهمه – 15 ج خميرة – 100 ج سكر – 400 ج سمن – 15 ج ماء - - 1/4 م محلب بودرة - ماء ورد – ماء زهر
الطريقة
نضع فى كوب الخميرة ونزوبها فى ربع كوب ماء دافىء والسكر والملح وماء الورد وماء الزهر
نضع السمولينا الخشنة والناعمه فى الخلاط وعليهم الخميرة وانزل عليهم بالسمنة شوية شوية والخلاط شغال ثم اضع الماء الدافىء ( كوب الاربع) شوية شوية لحد ماتتكون العجينة ثم نغطيها ونتركها ليلة كاملة ( 10 ساعات ) ثم ندهن صينية سمن ونعمل المعمول بالقالب المخصوص ( بس ندهنه بالدقيق علشان المعمول فى القالب ) ونرصصه فى الصينية وندخله الفرن على درجة 220 لمدة 45 ساعه
كوكيز ذبدة الفول السودانى




150ج ذبدة – 150 ج سكر – 150 ج سكر بنى – 2 بيضة – 2 ج بيكربونات – 2 ج ملح – 2 ج فانيليا – 250 ج دقيق – 250 ج ذبدة فول سودانى
الطريقة
نضع فى الخلاط الذبدة والسكر والسكر البنى ونخلطهم لحد مايمتزجوا كويس
ثم ننزل بالبيض بيضة بيضة واحدة واحدة ثم ننزل بالفانيليا ثم بالملح ثم بالبيكربونات ونخلط شوية
ثم نضع ذبدة فول سودانى ثم نضع الدقيق ونخلط خلط بسيط
ثم ندخلها الثلاجة لمدة نص ساعة وبعد ماتطلع ندهن ايدنا بدقيق ونكورها الى كور متوسطة ونضعها فى الصينية ونبططها بايدنا بسيط وندخلها الفرن على درجة 200بسكويت البرتقال



1/4 ك ذبدة – 1/4 ك سكر بودرة – 4 بيضات – باكو فانيليا – 125 ج حليب – بشر برتقال – 1/2 ك دقيق – 1/4 باكو بيكنج بودر – عصير برتقاله
الطريقة
نضع الذبدة والسكر ونضربهم كويس قوى ثم نضع البيض بيضة بيضة ونضربهم كويس ثم ننزل بالحليب ثم بشر البرتقال ثم عصير البرتقال ثم اخر حاجة الدقيق لحد ما العجينة تتلم ثم نضعه فى الكيس والقمع ونعمل اصابع طويلة وندخله الفرن على درجة 170 لمدة 25