اليوم المفروض اسوي كذا شي بس ما أعرف شو صار فيه تعبت مره وحده..!
اللي سويته شي بسيط وسهل وخفيف..!
كب كيك النسكافيه..!
مقادير الـ كب كيك:-
- 2 كوب دقيق
- كوب سكر
- 4 بيضات
- كوب زيت
نص كوب حليب سائل
ملعقة طعام بيكنج بودر
- ملعقة متوسطة قهوة نسكافيه
رشة فانيليا
طريقة الكب كيك:-
- يخلط اليبض + الزيت + السكر في الخلاط لمدة دقيقتين
- نضيف باقي المقادير لين ما يتجانس
- نجهز قوالب الكب كيك ونصب الخلطه في أوراق البليسيه
- نخبز في فرن متوسط الحراره
مقادير الصلصه:-
- 5 ملاعق طعام سكر ناعم
- نص زبدة حجم 50 جرام يعني 25 جرام
- نص قشطة حجم 250 يعني 125 جرام
- ملعقة متوسطة قهوة نسكافيه
طريقة الصلصة:-
- نحط السكر في الجدر على نار هاديه لين ما يسيح ويصير لونه بني
- نضيف الزبده ونتم نحرك بشكل سريع وبعدها نضيف القشطه والنسكافيه ونستمر في التحريك لين ما يتجانس
- بملعقة صغيرة نغطي على الكيك
وبـالعافيه