الحلا عبارة عن أربع طوابق <<<<<<<< قصدي طبقات



الطابق الأول :



علبة بسكوت الشاي مطحون مع إصبع زبدة

وحطي شوي حليب سايل عشان يتماسك

ثم ضعيها في صينية

وحطيه بالثلاجة شوي






الطابق الثاني :



هاتي شعيرية باكستانية كسريها لكسرات صغار بيديج مب بالمكينة



واحمسيه لين يستوي لونها اشقر <<<<<< أو استخدمي اللي لونها غامق هذي محموسه وقاضية



بعدين حطي عليها علبة نستله الوسط الين تتماسك ماهو شرط كل العلبة

وحطيه على البسكوت اللي بالصينية وبعدين بالثلاجة



بس شوي عشان تتماسك



خلصت الطبقة الثانية






الطابق الثالث :



هاتي 2 جالكسي بودرهمين وحطيه بحمام مائي واذا ساح الجالكسي



حطي عليه علبه قشطه

ثم حطيه على الطبقة الثانية وبعدين بالثلاجة حتى تجمد الطبقة
يعني ربع ساعة تقريبا






الطابق الرابع :



حطي بالخلاط علبة قشطة


و ظرف واحد دريم ويب

وملعقة صغيرة نسكافيه

وشوي جيلاتين مذوب بماي حار يعني ربع الكاسه الصغيرة

وخلي الخلاط يخلطهن واذا كان ثقيل حطي شوي ماي



ثم صبيهن على الطبقة الثالثة



وحطيه بالثلاجة









وهذا الشكل النهائي للحلى بعد التقطيع