السلام عليكم ورحمة الله وبركاتة

عملت النهاردة بسبوسة بالعجوة وطلعت حلوة قوى

المقادير:
برطمان بسبوسة (ريدى كوك) او اى نوع تحبية
معلقتين كبار سمنة بلدى
نص كوب لبن ساخن
قطعة كبيرة عجوة بالسمسم مهروسة جاهزة ودى صورتها



مقادير الشربات:
كوب سكر
كوب ونص مية
نص لمونة
فانيليا

الطريقة:
-هناخد العجوة ونقطعها قطع صغيرة فى طبق ونحط عليها السمنة واللبن الساخن ونهرسها بالشوكة كدة هنلاقى العجوة ساحت
-هناخد الخليط دة ونحطة على البسبوسة ونقلب كويس
-هندهن صينية سمنة او طحينة ونحط فيها البسبوسة ونفردها ونقطعها



-هنحطها فى الفرن الساخن على 180 لمدة 25 دقيقة وبعدين نطفى الفرن ونولع الشواية تاخد وش ودى بعد ما خرجت



-وهى فى الفرن هنحط السكر والمية على النار ولما يغلوا هنعصر اللمون ونوطى ونسيبة حوالى تلت ساعة وبعدين نحط الفانيليا ونطفى وبعد ما تطلع نسقيها بالشربات السخن علطوووووووول(يعنى البسبوسة والشربات يبقوا سخنين)
ودى بعد ماقطعتها وزوقت قطعة باللبن المكثف المحلى



اتمنى تكون عجبتكم