بسم الله الرحمن الرحيم


السلام عليكم ورحمة الله وبركاته



حياكم الله اخواتي عــ كعك العيد منعمله عنا بلبنان وبتختلف الاسماء من ضيعة لضيعة
نحنا منئلو مرقد وغير ضيعة بيئلولو كعك الخميس... فتختلف التسميات من حارة لحارة
وفينا نزيد مقادير تانية عليه ونستبدل الزيت النباتي بالسمنة البلدي ...
انا المقادير ما حطيتها بمكيال معين يعني بايدي انتو بقا ظبتوا المقادير..





المقادير

كوبان سكر
كوب ونصف زيت نباتي
كوبان حليب سائل وملعقتان حليب بودرة
كيلو ونصف طحين
ملعقتان شومر مطحون
ملعقتان يانسون مطحون
ملعقة او تنين قرفة مطحونة حسب الرغبة
ملعقة محلب
ملعقة او تنين حبة البركة
ملعقة خميرة عادية او خميرة كعك





الطريقة

نضع الطحين بــ جاط ونحط فوقهم السكر والحليب البودرة,الخميرة,الشومر,اليانسون,القرفة ,حبة البركة والمحلب
ونخلطهم بايدنا جيداً

بعدها منحط الزيت وحليب السائل ونعجنهم كويس لحد ما يتمسك منيح
وكمان منعجن بدل الماي بالحليب السائل بعد العجن منخليهم من ساعة لساعتين

ومنبدا نعمل الاشكال يلي نحبها ونشويها بالفرن بس نحط باسفل الصينية زيت عشان ما يلزق
واذا بدكن تنقعوه بحليب سائل بس يطلع لمدة دقيقة او تنين عشان يطلع طري ..





صحتين وهنا