السلام عليكم ورحمه الله ..ازيكم يا فتوكات يا حلوين ..صحيح بقالى كتير مدخلتش بس ده كان عشان الدراسه والحمد لله خلصت السنادى واخدت بكالوريوس الفنون الجميله بتقدير عام جيد جدا ..ومرتبه كمان يالله بقه بلاش احكى قصه حياتى
المهم انا جيبالكم النهارده لعيونكم عمل من اعمالى وهو سله + علبه المناديل ..وكانت طلبتهم منى بنت عمتى لان الجاهز كله استمبه واحده وكمان مش هتلاقى الالوان اللى تتناسب مع صالونها واوده نومها وكده

ندخل فى الموووووووووووووضووووع !!!

الادوات اللى هتحتاجيها :
مقص مسدس شمع
قماش بالالوان المناسبه
سله بلاستيك
متر بلاستيك للقياس
ورود وخلافه للتزيين
اشرطه ستان
استيك
خيط وابره او لوتعرفى تمكنى على الماكينه يكون افضل

الطريقه بقه :
هتقيسى مقاس السله من فوقه (محيطها وطولها ) ومن تحت وتقصى القماش بتاعك قد المقاس + 6 سنتى من فوق ومن تحت عشان الكشكشه والخياطه
تانى حاجه
هتخيطى من فوق ومن تحت مكان لتدكيك الاستك بمقاس حوالى 2 سم
تخيطى شريط الستان فى المكان اللى تحبيه ويفضل يكون فوق الاستيك اللى فوق
تخيطى الجنب وتدككى الاستيك وتلبسيه لعروستنا اقصد السله
تجيبى بقه مسدس الشمع وتلزقى الورود والزينه حسب زوقك
وبكده خلصنا

نيجى لعلبه المناديل ..هتجيبى ورق كارتون عادى ولزق المسدس وتقصى الكارتون وتلزقيه بمقاس العلبه +زياده عشان تتحط فوقها بسهوله

تغلفيها وتزوقيها حسب زوقك ..واتفضلوا الصورر







اتمنى تعجبكم

فى امان الله