الكوارع وفته الكوارع
تغسل الكوارع جيدا بدقيق وملح
التتبيل
2عود قرفه(دارسين)
ورق لورا
قرنفل(مسمار)
فلفل اسود
ملح
بصله مقطعه اربعه
الطريقه
نضع الحله على نار بداخلها ماء لحد الغليان وبعدين نضيف الكوارع اوالمقادم مع كل التوابل السابقه
تترك على النار حوالى من ساعتين الى ثلاثه ساعات حسب الحجم
تحضير فتة الكوارع
يحمس العيش البلدى المقطع مع ملعقه سمنه بلدى و2 فص ثوم مهروس تتحمس اما على النار او فى الفرن
ثم نسخن الطاسه ونضع فيها ملعقه سمنه وبعدين الثوم مع رشه خفيفه كثبره ناعمه
حتى يحمر الثوم وبعدين نضيف 2 ملعقه خل ثم نضيف الطماطم المعصوره حوالى حبتين
حتى تتسبك
ناخد 2 ملعقه من الصلصه نضفها على العيش المحمص ونقلبها ثم نضيف شوربه الكوارع
نغطيها ونتركها جانبا لمده بسيطه حتى يتشرب العيش من الشوربه
ونغطى طبق الفته بالارز الابيض
وباقى الصلصه مع شويه شوربه(كبشه فقط)نغليها مع بعض ونضفها فوق الارز
اذا رغبتى فى طعم مميز بعد ان تطهى الكوارع تصفى من الشوربه ويوضع عليها ملعقة سمن وتشوح على النار او توضع فى الفرن
وده شكلها النهائى
وبالهنا والشفا
المفضلات