الخبز البورى - العيـــــــش البورى
العيش البوري هو عيش هندي معروف
و في بيتعمل بالبهارات و فيه من غير أي بهارات يادوب ملح بس
1 و 1/2 ملعقة صغيرة بيكنج باودر
(شيف اسامة ما استخدمهوش في وصفته بس انا لقيته بيهبط لما يخرج من الزيت و انا عايز يفضل منتفخ فترة اطول)
علي فكرة معظم طرق البوري بيستخدموا ماية مش لبن رايب
بس انا بحترم أي وصفة فيها لبن او مشتقاته علشان القيمة الغذائية و صدقوني بتفرق في الطعم كتييير
نصف ملعقة صغيرة حبة البركة
نصف ملعقة صغيرة كمون ممكن حصي و ممكن مطحون
رشة ملح
و زيت غزير للتحمير
بنحط المقادير كلها علي بعض و نحط شوية من اللبن الرايب و نعجن كويس اوي و نزود لحد ما يكون عندنا عجينة ناعمة و طرية
و نسيب العجين يستريح 10 دقائق
و بعدين نقسم العجين لكور صغيرة في حدود انش للكورة
و نفرد الكور ديه بالنشابة لسمك 2 مللي تقريبا علي شكل قرص او أي شكل تاني تحبيه
انا ساعات بعمله رفيع و ساعات بحب اتخنه شوي
و بعدين نحمرها في طاسة فيها زيت غزير
ولما تطفو على الزيت نحط من الزيت السخن علييها من فوق علشان تعلى من الجنب التاني
و هو هينتفخ لوحده و يكون بالشكل ده
و بمجرد ما يخرج من الزيت نحطه علي ورق ماص علشان الزيت
المفضلات