حلقات البصل المقليه ***
* الطريقه الأولي : بطريقه ام عبد المنعم
المقادير : بصله متوسطه بيضاء ( لازم البصل الأبيض مش الأحمر علشان يستوي بسرعه )+نص كوب دقيق+ رشة ملح و توم بودر و بصل بودر و فلفل اسود و بابريكا+حليب سائل +زيت للقلي
الطريقه : 1-نقطع البصله حلقات بسمك اقل قليلا من 1 سم و نفصل براحه الراقات . 2_نخلط المكونات الدقيق و الملح و التوم و البصل و الفلفل الاسود و البابريكا و يمكن اضافة القليل جدا من البيكنج بودر ونضع الحليب السائل بالتدريج مع التقليب للحصول علي عجينه لينه تشبه الطحينه او اتقل شويه . 3_نغطس حلقات البصل فالعجينه كويس ( انا بعد ما حطتها في العجينه رصتها في طبق ودخلتها في التلاجه شويه ) 4- نحمي الزيت و تقلي حتي تحمر و تنشل علي ورق ماص للزيت الزائد و تقدم ساخنه و بالهنا والشفا
_____________________________
** الطريقه التانيه : بطريقه الشيف اسامه السيد
المقادير: 2 بصل متوسط +2 كوب حليب+1 كوب دقيق+1 ملعقة صغيرة ملح+زيت للقلي
الطريقة: 1_يقشر البصل ويقطع إلى حلقات بسُمك 1 سنتيمتر ويضغط عليها حتى تنفصل الدوائر و تُنقع حلقات البصل في الحليب وتترك على الأقل ثلاث ساعات( حطيت علي اللبن رشه فلفل اسمر ).2- يُخلط الدقيق والملح ( الدقيق قسمته جزئين الاول زود عليه رشه توم وبصل بودر ورشه بكينج بورد وبابريكا .والجزء الثاني زود عليه شويه فيجتار حار )
3- يُرفع البصل من الحليب ثم يوضع في الدقيق حتى يغطى تماماً.
4- يُرفع البصل من الدقيق ويُنفض من الدقيق الزائد.. ( انا رصيت الحلقات بعد ما حطتها في الدقيق في طبق ودخلتها التلاجه حوالي نص ساعه )
5- تُحمَّر حلقات البصل حتى تُصبح ذهبية اللون، ثم توضع على قطعة قماش لامتصاص الزيت الزائد.
*يفضل تقديمه ساخناً.
*و ممكن تعمليها نص مقليه تقليها نص قليه يعني تطلعيها من الزيت و هي لسه مش واخده اللون الذهبي و ترجعي تقليها لما تحتاجيها تاني بتكون مقرمشه و حلوه.